________________
કૂવાના કાંઠે દોરડું બેડામાં નાંખવાને બદલે છોકરાના ગળામાં નાખે છે. બળભદ્ર મુનિની દૃષ્ટિ પડતાં અટકાવે છે અને ત્યારથી જંગલમાંજ પારણું કરવાનો અભિગ્રહ કરે છે.
હવે માસક્ષમણને પારણે આ મુનિ ગામમાં ગોચરી આવતા નથી. જંગલમાં જતા-આવતા સાર્થવાહકો કે પ્રવાસી મુસાફરો પાસેથી પારણાના દિવસે જે મળે તેનાથી નિર્વાહ કરે છે. વળી એક જ દિવસના પારણા ઉપર નવું માસક્ષમણનું તપ કરે
છે.
બળભદ્ર મુનિના સંયમથી આકર્ષાયેલ એક ભદ્રિક સરળ સ્વભાવી હરણ રોજ મુનિનાં દર્શન આદિ કરે છે. દેશના સાંભળે છે. પારણાના દિવસે આજુબાજુ આવેલ સાર્થવાહ કે મુસાફરની તપાસ કરીને મુનિને ત્યાં લઈ જાય છે. મુનિના તપની અનુમોદના કરે છે.
એક પ્રસંગે માસક્ષમણના પારણાના દિવસે જંગલમાં સાર્થવાહને જોઈને હરણ મુનિને સાર્થવાહ પાસે લઈ જાય છે. સાર્થવાહ પણ મુનિને જોઈને ખૂબ જ હર્ષ પામે છે, જંગલમાં મહા-મંગલની પ્રાપ્તિ માને છે. સાર્થવાહનો મુકામ ઝાડ નીચે છે. હરણ મુનિને લઈને ત્યાં આવી પહોંચે છે.
મુનિ એષણા-સમિતિમાં એકાગ્રચિત્તવાળા બની જિનશાસનની અને ચારિત્રમાર્ગની અનુમોદના કરતા પાત્રમાં દાન લઈ રહ્યા છે.
સાર્થવાહ મુનિના દર્શનથી અને સુપાત્રદાનના મળેલા અવસરથી આનંદિત બનેલો છે. રોમાંચ ખડા થઈ ગયાં છે, સુપાત્ર દાનના મળેલા અવસરને ધન્ય માને છે, મુનિના ચારિત્રમાર્ગની પણ અનુમોદના કરે છે. ધન્ય છે, આ મહામુનિને ! ખરેખર મનુષ્યજીવનને સફળ કરી રહ્યા છે. આવા જંગલમાં ઉગ્ર તપની આરાધના કરી રહ્યા છે. મારી બધી સંપત્તિનો મુનિના દાનમાં ઉપયોગ કરીને જીવન કૃતાર્થ બનાવી દઉંએમ ઉલ્લસિત બનીને મુનિના પાત્રમાં દાન આપી રહ્યો છે.
પાસે ઊભેલું હરણ પોતાની જાતની નિંદા કરતું મુનિ અને સાર્થવાહની ભૂરિ ભૂરિ અનુમોદના કરે છે. ‘ધિક્કાર છે મારા તિર્યંચના ભવને, કે ન તો સંયમની સાધના થઈ શકી, કે નથી મુનિને દાન આદિનો પણ લાભ લઈ શકતો. ધન્ય છે તપસ્વી અને સંયમી મુનિ ભગવંતને ! જીવન કૃતાર્થ કર્યું, સંયમ, તપધર્મની આરાધનાથી કઈક કર્મોના કચ્ચરઘાણ કાઢી મુક્તિની નિકટ જઈ રહ્યા છે. ધન્ય છે સાર્થવાહને ! પોતાને મળેલા દ્રવ્યને સફળ કરી રહ્યો છે, મહાત્માના પાત્રમાં દાન આપીને પુણ્યના પુંજને
બહુરત્ના વસુંધરા-ભાગ ચોથો – ૧૩૮
