________________
અથવા કેવળજ્ઞાની ભગવંતો વગેરે ઉત્તમોત્તમ આત્માઓની સાક્ષાત્ પ્રાપ્તિ કરાવવા દ્વારા જીવનમાં આરાધના વધારીને મોક્ષના ફળને જલદીથી પમાડે છે. * ટૂંકમાં, જે સુકૃતની અનુમોદના સાચા હૃદયના ભાવથી ઉલ્લાસપૂર્ણ હદો થાય તો છેક મોક્ષની પ્રાપ્તિ થાય ત્યાં સુધી આ અનુમોદના સંસારમાં સુકૃતની સામગ્રીવાળા સદ્ગતિના ભવો અને સુખની પરંપરાને આપે છે. (૫)સુકૃત અનુમોદનાથી ઈર્ષ્યા-મત્સરભાવનો નાશ:
આજે જગતમાં વ્યાપક બનેલ મહાન દોષ છે ઈષ્ય-મત્સર-અદેખાઈ. સુકૃત અનુમોદનામાં પરના સુકૃતની અનુમોદન પણ આવતી હોવાથી ઈર્ષ્યાવૃત્તિનો નાશ થાય છે. ઈર્ષાદોષથી માણસ પારકાનું સારું જોઈ શકતો નથી. લાખોપતિ પણ બીજાને આધીન લક્ષ્મી જોઈને બળે છે. અને તેથી પોતાને મળેલ સામગ્રીના સુખને પણ ભોગવી શકતો નથી. દેવતાઓ પણ ઈર્ષ્યાવૃત્તિથી પરસ્પર ઝઘડે છે અને ક્લેશ કરે છે. ધર્મની પ્રવૃત્તિઓમાં પણ ઈર્ષ્યાવૃત્તિઓ ઘણે ઠેકાણે પેસી જઈને ધર્મના ફળથી વંચિત રાખે છે. અને નાહક કર્મ બંધ કરાવી જીવને દુ:ખમાં ફેંકી દે છે. મારા મહોત્સવ કરતાં બીજનો મહોત્સવ સારો ન થવો જોઈએ. મારા કરાવેલા ઉપધાન કરતાં બીજાનાં વધુ સારાં ન દેખાવાં જોઈએ, વગેરે અનેક પ્રકારની વૃત્તિઓ ધર્મક્રિયા કરનારાઓના હૈયામાં પણ ઘર કરી જાય છે. પરિણામે ધર્મકિયાઓ પણ કલુષિત બની જાય છે, જેથી ધર્મક્રિયાઓ કરવા છતાં જીવ દુર્ગતિને પામે છે.
ઈર્ષાવૃત્તિના અનિષ્ટ ફળ ઉપર કુંતલા મહારાણીનું દ્રષ્ટાંત શ્રાધ્ધવિધિ નામના ગ્રંથમાં એક દ્રષ્ટાંત આવે છે.
પૃથ્વીપુર નગરમાં જિતશત્રુ રાજા છે, તેને કુંતલા નામે મુખ્ય પટરાણી છે. બીજી પણ અનેક રાણીઓ છે. કુંતલા રાણી જિનધર્મમાં ખૂબ દ્રઢ છે. તેણે ધીમે ધીમે પોતાના સંગથી અન્ય રાણીઓને પણ ધર્મમાં જોડી દીધી. બધી રાણીઓ પણ તેના ઉપર બહુમાનને ધરતી જિનધર્મની સુંદર આરાધના કરવા લાગી.
કુંતલા રાણીએ એક ઉત્તમ પ્રકારના જિનમંદિરનું નિર્માણ કરાવ્યું અને તેમાં શ્રી જિનેશ્વરદેવની પૂજા, નૃત્ય, ગીત-ગાન આદિ દ્વારા ખૂબ ખૂબ ભક્તિ કરે છે. પ્રસંગે સાધર્મિકોની સેવા કરે છે.
અન્ય રાણીઓએ પણ તે જોઈને પોતાનાં દેરાસરી, દેરીઓ, પ્રતિમાઓ ભરાવીને પ્રતિષ્ઠાદિના મહોત્સવો શરૂ કર્યા, અને તે નિમિત્તે રોજ જિનભક્તિ, સાધર્મિક-ભક્તિ
૫ બહુરના વસુંધરા-ભાગ ચોથો . ૧૩૪
પ
N
