________________
અનુમોદનાની અનુમોદના (એક અનુમોદનીય પત્ર)
પ્રસ્તુત પુસ્તક માટે દૃષ્ટાંતો મોકલાવવા અંગેનું પરિપત્ર વાંચીને તેમજ પ્રસ્તુત પુસ્તકના ભાગ-૧ તથા ભાગ-૨ વાંચીને સેંકડો ગુણાનુરાગી આત્માઓએ રૂબરુમાં તેમજ પત્રો દ્વારા આ પ્રકાશનની ભરપેટ અનુમોદના કરીને પ્રમોદ ભાવના અભિવ્યક્ત કરી છે તેમજ આ કાર્ય માટે મારા ઉત્સાહમાં પણ અભિવૃદ્ધિ કરી છે તે સહુ અનુમોદકોની પણ હાર્દિક અનુમોદના કરું છું. એ બધા પત્રો પ્રકાશિત કરાય તો નાનકડી પુસ્તિકા બની જાય. પરંતુ ગ્રંથગૌરવ ન થાય તે માટે એ પત્રોમાંથી સેમ્પલ રૂપે માત્ર એક જ પત્ર અત્રે રજુ કરવામાં આવે છે. પત્રમાં લખ્યા મુજબ પત્ર લખનાર મને ઓળખે છે પરંતુ પત્રના અંતે પોતાનું નામ પ્રગટ કરેલ નથી જેથી મારે તો એ નિઃસ્પૃહી લેખકનું અનુમાન કરવા માટે માત્ર અટકળ જ કરવી રહી. પત્રલેખકની નિઃસ્પૃહીતાની તેમજ અનુમોદનાની પણ હાર્દિક અનુમોદના.
-સંપાદક
શ્રી શાંતિનાથાય નમઃ
પૂજ્ય ઉપકારી, મૌની, સ્વાધ્યાયી, જ્ઞાની, તપસ્વી અને ગુણાનુરાગી એવા ગણિ આદિ વિશેષણોયુક્ત મહાત્મા શ્રી મહોદયસાગરજી મ. તથા સર્વે મહાત્માઓને મારી અનંતાનંતશઃ વંદના....
પરમાત્માની અસીમકૃપાથી ખૂબ જ મજામાં છું. આપ પણ શાતામાં આનંદમાં હશો જ.
વિશેષમાં “બહુરત્ના વસુંધરા (ભાગ-૧)” દૈવયોગે હાથમાં આવી. સંપાદકીય વાંચ્યું. તથા થોડાંક પ્રસંગો પણ વાંચ્યાં.
અત્યાર સુધી હું આપને એક ભલા, ભોળા એવા મુનિ ભગવંત. સમજતો હતો. પરંતુ આ પુસ્તક હાથમાં આવતાં એવું લાગ્યું કે આપ તો
28
