________________
૧) ૧૦૦ + ૧૦૮ + ૮૮ ઓળીના | ‘તપસ્વી સમ્રાટ' સૂરિરાજ
સમસ્ત વિશ્વમાં હજારો વર્ષમાં વિક્રમ રૂપ કહી શકાય તેવી ઉત્કૃષ્ટ તપશ્ચર્યા -વર્ધમાન આયંબિલ તપની ૧૦૦+૧૦૦+૮૮ ઓળીના આરાધક પરમ તપસ્વી આચાર્ય ભગવંત સં. ૧૯૯૦માં ૧૮ વર્ષની વયે દીક્ષા લીધા બાદ વડી દીક્ષાના ૧ મહિનાના યોગ પણ મહા મુશ્કેલીથી કરી શક્યા હતા!... આયંબિલનો લુકમો આહાર જોતાં જ ઊલટીઓ થવા માંડે !
પરંતુ ગુરુ સમર્પણભાવના કારણે પ્રાપ્ત થયેલ અમોઘ ગુરુકૃપાના અચિંત્ય પ્રભાવથી આજે તેઓ ન કલ્પી શકાય તેવી અજોડ તપસિદ્ધિને વરેલા છે!
- ૨૧ વર્ષની ઉંમરે તેમને દાંતના પેઢાની તીવ્ર પીડા ઉપડી. આયુષ્યની પ્રબળતાના પ્રભાવે નવજીવન પામેલા આ મુનિશ્રીએ જીવનની ક્ષણભંગુરતાનું દિવ્યજ્ઞાન પ્રાપ્ત કરી તપની તમન્ના સેવી. લોહીના કણકણમાં તપની ઉગ્ર સાધનાનો સંકલ્પ કરી વર્ધમાન તપનો પ્રારંભ કર્યો. એમાં પણ ૪૦મી ઓળીથી ૧૦૦મી ઓળી સુધી કામ ચોવિહાર આયંબિલ કર્યા !!! ભર ઉનાળામાં વિહારોમાં પણ તેઓ ઠામ ચોવિહાર આયંબિલ કરતા!
પ્રથમવાર ૧૦૮મી ઓળીનું પારણું સં. ૨૦૧૩માં થયા બાદ ટૂંક સમયમાં પુનઃ પાયો નાંખી અવિરત તપની યાત્રા ચાલુ રહી. વયથી વૃદ્ધ બનતા પણ સંકલ્પમાં સદા તરુણ રહેનારા મુનિવરને હૈયે હોંશ હતી તેથી ૧ થી ૭૨ ઓળી કામ ચોવિહારી કરી !
શરીરની અનેક પ્રતિકૂળતાને વેઠી આ મહાપુરુષે દેવ-ગુરુની કૃપા બળે અનેક | વિનોના વાદળ વિખેરી તમયાત્રા ચાલુ રાખી. સં. ૨૦૨૨માં પંન્યાસ પદે તથા સં. ૨૦૨૯માં આચાર્યપદે આરૂઢ કરાયા.
સં. ૨૦૩૪ ફે. વ. ૧૦ ના રોજ બીજી વાર ૧૦૦મી ઓળીનું પારણું અમદાવાદમાં થયું.
મોહના સૈન્યનો વિધ્વંસ કરવા માટે રણસંગ્રામ ખેલતા આચાર્યશ્રીએ ત્રીજી વાર પાયો નાંખ્યો અને આજે એક પછી એક ઓળી પૂર્ણ કરતા ત્રીજી વાર ૧૦૦ ઓળીની મંજિલ તરફ આગળ વધતાં ૮૮ ઓળી પૂર્ણ કરી ચૂક્યા છે!!!.. વિશ્વમાં રેકોર્ડ રૂપ તેમના ૧૪ હજાર જેટલા આયંબિલ થયેલ છે.
