________________
ચાલુ રાખવાના ભાવ હતા ! (હાલ ૨૦૦૦ થી અધિક સળંગ આયંબિલ થયેલ છે !) પ્રાયઃ બે દ્રવ્યથી ઓળી કરતા અને ૪ ઘડી પહેલાં પાણહારનું પચ્ચક્ખાણ લઈ લેતા ! તેમણે પાંચ વર્ષથી લીલોતરી બંધ કરેલ છે તથા તેઓ ચાતુર્માસમાં આખું કઠોળ પણ વાપરતા નથી ...
બીજા મુનિવરોએ પણ યથાયોગ્ય તપ-ત્યાગ તથા જ્ઞાનાભ્યાસમાં સારી પ્રગતિ સાધી છે.
(૨) એક જ ઘરના આઠેય સભ્યોની એકી સાથે દીક્ષા
પ્રથમ સંતાનોએ દીક્ષા લીધી હોય અને પાછળથી માતા-પિતાએ પણ સંયમ સ્વીકારેલ હોય એવા તો સંખ્યાબંધ દૃષ્ટાંતો વર્તમાનકાળમાં જોવા મળશે. એક કે બે સંતાન સહિત માતા-પિતાએ સાથે દીક્ષા લીધી હોય તેવા દૃષ્ટાંતો પણ ઘણા જોવા મળશે. એકલા કચ્છ જિલ્લાનો વિચાર કરીએ તો પણ ભુજ, કોડાય, સાંધવ વિગેરે ગામોના તેવા પરિવારો છે. જ્યારે સમગ્ર ભારતની અપેક્ષાએ ગણતરી કરવા જઈએ તો એ યાદી ઘણી લાંબી થઈ જાય. તેમાંથીએક વિશિષ્ટ ઉદાહરણનો વિચાર કરીએ તો પોતાના છએ સંતાનો (૨ સુપુત્રો અને ૪ સુપુત્રીઓ) સહિત માતા-પિતાએ (કુલ આઠ જણાએ) એકી સાથે સંયમનો સ્વીકાર કર્યો હોય તેવું પણ દૃષ્ટાંત વિદ્યમાન છે.
શંખેશ્વર તીર્થની પાસે આવેલ ઝીંઝુવાડામાં આજથી ૨૦ વર્ષ પહેલાં ઉપર મુજબના એક પરિવારે શાસનપ્રભાવક પ. પૂ. આચાર્ય ભગવંત શ્રી ૐકાર સૂરીશ્વરજી મ. સા.ના વરદ હસ્તે દીક્ષા ગ્રહણ કરેલ છે અને સુંદર ચારિત્ર અને જ્ઞાનાભ્યાસ દ્વારા આત્મકલ્યાણ સાથે સુંદર શાસન પ્રભાવના કરી રહેલ છે.
(૩) એકી સાથે ૨૭/૨૪/૨૫ તથા ૩૧ દીક્ષાઓ :–
આજે સમૂહ લગ્નનો જમાનો ચાલી રહ્યો છે. એકી સાથે ૨૫-૫૦ યુગલોના લગ્નો યોજાતા હોય છે. જ્યારે શ્રીજિનશાસનમાં આજે પણ જુદા જુદા ગામોના અનેક દીક્ષાર્થીઓ એક જ ગામમાં એકી સાથે દીક્ષા અંગીકાર કરે એવી વિરલ ઘટનાઓ બનતી હોય છે.
વિ.સં. ૨૦૩૪માં મહારાષ્ટ્રમાં અમલનેર શહેરમાં વ્યાખ્યાન વાચસ્પતિ પ. પૂ. આ. ભ. શ્રી વિજયરામચંદ્રસૂરીશ્વરજી મ. સા. તથા વર્ધમાન તપોનિધિ પ. પૂ. આ.ભ. શ્રીમદ્વિજય ભુવનભાનુસૂરીશ્વરજી મ. સા. ના વરદ હસ્તે જુદા જુદા અનેક ગામોના કુલ ૨૬ મુમુક્ષુઓએ એકી સાથે રજોહરણનો સ્વીકાર કર્યો ત્યારે કેવું અદ્ભુત વાતાવરણ સર્જાયું હશે !!... તેની તો કલ્પના જ
બહુરત્ના વસુંધરા–ભાગ ત્રીજો ૫૭
