________________
૯૮
ઉપરોક્ત મહાતપસ્વી સાધ્વીજી ભગવંતની લગભગ સાથે જ દરેક તપશ્ચર્યામાં જોડાયેલા બીજા સાધ્વીજી ભગવંતનું ગૃહસ્થપણાનું નામ દક્ષા હતું. નાનકડી દક્ષા પોતાની માતા સાથે ઉપાશ્રયે જાય ત્યારે વાસક્ષેપ આપતાં કવિકુલકિરીટ આચાર્ય ભગવંતશ્રી કહે કે - તારું નામ દક્ષા નહિ, પણ દીક્ષા.
માત્ર આઠ વર્ષની બાળ વયે દક્ષાએ પ્રથમ ઉપધાન કર્યું અને ત્યારથી દીક્ષાની ભાવનાના બીજ રોપાઈ ગયાં !
પરંતુ દક્ષાની દીક્ષા થાય તેનાથી પહેલાં તેની મોટી બહેન નીલાનો દીક્ષા માટે નંબર લાગી ગયો. ૧૪ વર્ષની નાની વયમાં નીલાએ સંયમ સ્વીકાર્યું અને અપ્રમત્તપણે પંચાચાની સાધનામાં આગળ વધ્યા. કર્મગ્રંથ, તત્ત્વાર્થસૂત્ર, સંસ્કૃત-પ્રાકૃત વ્યાકરણાદિનો સુંદર અભ્યાસ કર્યો. સાથે સાથે બે માસક્ષમણ...બે વર્ષીતપ... બેવાર સોળભ....અઠ્ઠાઈઓ...સળંગ ૫૦૦ આયંબિલ....વર્ધમાન તપની ૭૦ ઓળી... સિદ્ધિતપ.... ચત્તારિઅઠ્ઠ-દશ-દોય તપ આદિ તપશ્ચર્યા દ્વારા જીવન ધન્ય બનાવ્યું. વર્તમાનમાં અધ્યાપનનું કાર્ય સમુદાયમાં સુંદર કરાવી રહ્યા છે. સુંદર મરોડદાર અક્ષરોના કારણે સમુદાયની સેવાનો લાભ લઈ રહ્યા છે. તેમના નામનો પૂર્વાર્ધ નૈગમ વિગેરે સાત...વાચક શબ્દ છે. અને ઉત્તરાર્ધ એક સપ્રસિદ્ધ તીર્થંકર પરમાત્માના અધિષ્ઠાયિકા દેવીના નામનો પૂર્વાર્ધ થાય છે.
એમની દીક્ષા બાદ ૧૦ વર્ષ રહીને દક્ષાની દીક્ષા થઈ. દીક્ષાની સાથે જ નાના બેગ અને મોટા જોગની સળંગ આરાધના એક પણ દિવસ પાડયા વગર, અખંડ પણે છ મહિનામાં પરિપૂર્ણ કરી !
ત્યારબાદ ઉત્તરોત્તર તપશક્તિ વિકસિત થતાં તેમણે અત્યાર સુધીમાં ૩૦ માસ ખમણ...૨૦ વખત સળંગ ૨૦ ઉપવાસ દ્વારા વીશસ્થાનક તપની આરાધના... ૧૬ ઉપવાસ ....૩૬ ઉપવાસ... ૫૧ ઉપવાસ...૬૮ ઉપવાસ...એક વર્ષમાં ૨૦ અઠ્ઠાઈ (કુલ ૩૬) એક વર્ષમાં ૭૧ અઠ્ઠમ (કુલ પ્રાયઃ ૧૮૫ અમ)...૨ વર્ષીતપ... સિદ્ધિતપ...ધર્મચક્રતપ...સળંગ ૧૦૮ આયંબિલ...વર્ધમાન તપની ૪૦ ઓળીઓ વિગેરે વિશિષ્ટ તપશ્ચર્યાઓ દ્વારા જીવનને તપોમય બનાવેલ છે. તપની સાથે જાપ, અભ્યાસ, વૈયાવચ્ચ, ભક્તિ તેમજ સંયમની અન્ય દરેક ક્રિયાઓમાં તેમનો અચૂક ફાળો હોય જ. ચિત્ત પ્રસન્નતા અને મિલનસાર વ્યક્તિત્વના કારણે સહુના પ્રીતિપાત્ર અને આદરણીય બન્યા છે. સં. ૨૦૦૭ માં તેમનો જન્મ
બહુરત્ના વસુંધરા-ભાગ ત્રીજો
૯૮
