________________
જેથી આ સાધ્વીજી ભગવંતે તદ્દન સહજભાવથી જ પારણું કરી લીધું. ધન્ય છે તેમની નિઃસ્પૃહતાને !...સાહજિકતાને !
આ સાધ્વીજી ભગવંતના નામમાં અઢી અક્ષરના પૂર્વાધનો અર્થ સુંદર એવો થાય છે તથા ઉત્તરાર્ધ જેમના પણ જીવનમાં હોય તે જીવ પ્રાયઃ સર્વત્ર આદરણીય, સન્માનીય અને પ્રશંસનીય બને છે !...
(૨) વાગડ સમુદાયમાં પણ એક સાધ્વીજી ભગવંતે પાંચ વર્ષ પહેલાં અમદાવાદમાં ચાતુર્માસ દરમ્યાન ૧૦૦ ઓળીનું પારણું ઉપર મુજબ સાદી રીતે સહજભાવથી કર્યું હતું. ધન્ય છે એમની નિરીહતાને !...તેમના વિશાળ સમુદાયમાં પણ કદાચ બહુ ઓછાને ખબર હશે કે આ સાધ્વીજીની ૧૦૦ ઓળી પૂર્ણ થઈ ચૂકી છે !...
આ સાધ્વીજી ભગવંતના નામનો પૂર્વાર્ધ એટલે ચાર ઘાતીકર્મોનો ક્ષય થવાથી પ્રગટ થતા આત્માના ચાર મુખ્ય ગુણોની આગળ વિશેષણ તરીકે વપરાતો એક શબ્દ !... અને ઉત્તરાર્ધ એટલે સૂર્ય-ચંદ્ર જેમના વડે શોભે છે તે !!!....
હવે તો સમજી ગયા ને કે આવા નિઃસ્પૃહી તપસ્વી મહાત્માઓ કોણ હશે ?......
૧૦૫ : ૧૨ વર્ષ સુધી અખંડ મૌન સહ આત્મસાધના !!
મૌનભાવમાં રહીને આત્મ સ્વરૂપનું મનન કરે તે મુનિ !.
આવી મુનિદશાને પ્રાપ્ત કરવાના મનોરથ સાથે એક સાધ્વીજીએ તા. ૨૭-૫-૧૯૮૯ થી ૧૪ વર્ષની સુદીર્ઘકાલીન આત્મસાધનાનો સંકલ્પ કર્યો છે.
શરૂઆતમાં બે વર્ષ સુધી રોજ ૨૩ કલાક મૌન કરતા. પરંતુ સં. ૨૦૫૧ ચૈત્ર સુદિ ૧૩ (ભગવાન શ્રી મહાવીર સ્વામીના જન્મ કલ્યાણકના પવિત્ર દિવસ) થી ૧૨ વર્ષ સુધી સંપૂર્ણ મૌન પૂર્વક એકાંતમાં આત્મસાધના કરી રહ્યા છે.
શરૂઆતમાં અઠ્ઠમ, છઠ્ઠ, એકાંતરા ઉપવાસ, આયંબિલ, ૫ દ્રવ્યથી એકાશણા વિગેરે તપશ્ચર્યા ચાલુ હતી. હવે છેલ્લા ૨ વર્ષથી સાધના પૂર્ણ થાય ત્યાં સુધી ફકત સાકર વિનાનું દૂધ અને કિસમીસ એ બે જ દ્રવ્ય સિવાય કશું ન વાપરવાના પચ્ચક્ખાણ લઈ લીધા છે !...
બહુરત્ના વસુંધરા-ભાગ ત્રીજો – ૧૦૬
