________________
તપશ્ચર્યા : આખરે ૩ વર્ષ સુધી એકાશણા કર્યા બાદ દીક્ષા માટે રજા મળી. દીક્ષા બાદ એકાશણા છોડવા માટે આગ્રહ કરવામાં આવ્યો ત્યારે તેમણે મક્કમતાપૂર્વક જવાબ આપ્યો કે, ‘ગૃહસ્થ જીવનમાં એકાશણા કર્યા હોય તો સાધુ જીવનમાં એકાશણા કેમ છોડાય ?’... અને તેમણે દીક્ષા પછી ૪૩ વર્ષ સુધી એકાશણા ચાલુ રાખ્યા. આટલેથી સંતોષ ન માનતાં પાછલી વયમાં લાગટ ૮ વર્ષીતપ કર્યા !.. શિષ્યો તથા ભક્તો વિનંતિ કરતા કે- સાહેબજી ! આપને શાસનના ઘણા કાર્યો કરવાના બાકી છે અને હવે આપની ઉંમર પણ મોટી થઈ છે માટે હવે આપ વર્ષીતપ ન કરો તો સારું.’ ત્યારે પૂજયશ્રી કહેતા કે ‘હું લાંબા સમય સુધી જીવું એમ તમે ઈચ્છતા હો તો તપશ્ચર્યા છોડવાની વાત મારી પાસે ફરી વાર કરશો નહિ. તપશ્ચર્યાથી જ દ્રવ્ય-ભાવ આરોગ્ય સારું રહે છે !...’ ગચ્છાધિપતિશ્રીની આવી પ્રેરણાથી તેમના સાધુ-સાધ્વી સમુદાયમાં અનેક વિશિષ્ટ તપસ્વી મહાત્માઓ પાકયા છે. પૂજયશ્રીના એક વર્ષીતપનું પારણું રાષ્ટ્રપતિશ્રી જ્ઞાની ઝૈલસિંઘે ઈક્ષુરસ વહોરાવીને કરાવ્યું હતું !...
તેઓ સ્વયં ચા પીતા નહિ અને કોઈપણ મુમુક્ષુ દીક્ષા લેવા માટે તેમની પાસે આવે ત્યારે ચા ખાસ છોડાવી દેતા !...
:
જ્ઞાનોપાસના તીવ્ર જ્ઞાન પિપાસાને કારણે પંડિતની બહુ અલ્પ સમય માટે સગવડ મળવા છતાં સંસ્કૃત વ્યાકરણ આદિનો ખૂબ સુંદર અભ્યાસ કરી લીધો એટલું જ નહિ પરંતુ સંસ્કૃતમાં ગદ્ય-પદ્ય રચનાઓ પણ કરતા થઈ ગયા. છતાં જ્ઞાનનો જરાપણ મદ ન હતો. વિનય–વૈયાવચ્ચ દ્વારા ગુરુના હૃદયમાં એવા વસી ગયા કે માત્ર પાંચ વર્ષના દીક્ષા પર્યાયમાં ગુરુદેવશ્રીએ તેમને ઉપાધ્યાય પદે આરૂઢ કર્યા !...
તેમણે સંસ્કૃતમાં લઘુ ત્રિષષ્ટિ શલાકા પુરુષ ચરિત્ર સમરાદિત્ય કેવલી ચરિત્ર, શ્રીપાળ ચરિત્ર, દ્વાદાશ પર્વકથા સંગ્રહ વિગેરે સુંદર રચનાઓ કરી છે. એવી જ રીતે ભાવવાહી સ્તવન ચોવીશી સહિત અનેક સ્તવનો, સ્તુતિઓ, ચૈત્યવંદનો તથા પૂજાઓ વિગેરેની પણ રચના અનેકવિધ શાસનપ્રભાવનાની પ્રવૃત્તિઓની વચ્ચેથી પણ સમય કાઢીને કરી છે. એક જ ચાતુર્માસમાં બે ટાઈમ વ્યાખ્યાન, વયોવૃદ્ધ ગુરુદેવની સેવા કરવા ઉપરાંત તેમણે ૧૧ અંગસૂત્રોનું વાંચન ગુરુકૃપાથી સ્વયમેવ કર્યું હતું !...
દર્શન શુદ્ધિ : તીર્થંક૨ ૫રમાત્મા અને તેમના શાસન પ્રત્યે તેમના હૃદયમાં અદ્ભુત ભક્તિ અને સમર્પણભાવ હતો. તેથી જ જિનશાસનની વર્તમાન પરિસ્થિતિ જોઈને તેમને ખૂબ જ દુઃખ થતું. બધા ગચ્છોમાં સંપ અને મૈત્રીભાવ વધે તથા એકતા યા
૧૮
