________________
અંગૂઠામાંથી લોહીની ધાર વછૂટી ગઈ. છતાં કોઈપણ શિષ્યને ઊંઘમાંથી ન ઊઠાડતાં પાણીથી ભીંજાવેલ પાટો બાંધી દીધો અને પોતાના નિત્યક્રમમાં પરોવાઈ ગયા. સવારે અજવાળું થયા બાદ ઉપાશ્રયમાં લોહીના ડાઘ જોઈને શિષ્યોએ પૂછતાં ખુલાસો કર્યો. શિષ્યોએ કહ્યું કે- “ગુરુદેવ! અમને કેમ ઊઠાડયા નહિ?” પૂજયશ્રીએ સહજતાથી કહ્યું કે - “પોતાના સ્વાર્થ ખાતર તમારા આરામમાં અંતરાવ શા માટે નાંખવો? એવી વિચારણાથી તમને ઊઠાડયા નહિ!..' ગુરુદેવની આવી સહનશીલતા અને પરહિતચિંતા જોઈને શિષ્યો પૂજયશ્રીના ચરણોમાં નમી પડયા!.. શાસન પ્રભાવના : પૂજયશ્રીએ રાત-દિવસ અપ્રમત્તપણે પુરુષાર્થ કરીને જાણે બિંદુમાંથી સિંધુનું નવસર્જન કરતા હોય તેમ સમ્યકજ્ઞાન માટે બબ્બે વિદ્યાપીઠોની સ્થાપના, મુંબઈથી સમેતશિખરજી અને શિખરજીથી પાલિતાણાના બે વિરાટ ઐતિહાસિક યાત્રા સંઘો, અનેક જિનાલયો; તીર્થો, ઉપાશ્રયો, ધર્મશાળાઓ, જ્ઞાનસત્રો, અધિવેશનોં, દીક્ષાઓ, પ્રતિષ્ઠાઓ, અંજનશલાકાઓ વગેરે દ્વારા અદ્ભુત શાસનપ્રભાવના કરી. પરિણામે શ્રીસંઘે અને સમાજે તેમને પ્રસંગે પ્રસંગે અનેકવિધ બિરૂદોથી નવાજ્યા છતાં પણ તેનો જરાપણ મદ તેમના જીવનમાં દષ્ટિગોચર થતો ન હતો !... . - " છ'રી પાળતા સંઘો દરમ્યાન બબ્બે વાર મરણાંત અકસ્માતની શક્યતામાંથી પણ પૂજયશ્રી દૈવી પ્રભાવે અદ્ભુત રીતે ઉગરી ગયા હતા.
પરંતુ કર્મસત્તાને લાગ્યું કે હવે આ અલગારી આત્માએ પોતાની અનાદિકાલની સંસારની પેઢીસમેટવાની પૂરી તૈયારી કરેલ છે એટલે પોતાનું બાકી રહેલું લેણું જલ્દી વસૂલ કરવા માટે પૂજયશ્રીના શરીરે કમરમાં કોઈન કળી શકાય તેવો અસાધ્ય અને અસહ્ય રોગ પરિષહ ઉત્પન્ન કરી દીધો !... ત્યારે ભયંકર વેદનાની વચ્ચે પણ તેઓશ્રી પરમાત્માને વંદના કરવાનું ચૂકતા નહિ. ક્યારેક રાત્રે ઊંઘ ઊડી જાય ત્યારે પણ, “મને પ્રતિક્રમણ કરાવો... પડિલેહણ કરાવો' ઈત્યાદિ બોલતા! શિષ્યો કહેતાં કે “ગુરુદેવ!પ્રતિક્રમણ/પડિલેહણ કરાવી દીધું છે.” ત્યારે પૂજયશ્રી કહેતા કે મારો ઉપયોગ બરાબર ન હતો મારે ફરીથી કરાવો !!!... જૈફ વયે પણ તેઓશ્રી બંને ટાઈમ ઊભા ઊભા જ પ્રતિક્રમણ શિષ્યોની સાથે માંડલીમાં કરતા !!!...
આવા આવા અનેકવિધ ગુણોના ભંડાર યથાર્થનામી પૂજયશ્રીના ગુણોનું વર્ણન એક નાનકડા લેખ દ્વારા કેટલું કરી શકાય? તે માટે તો તેઓશ્રીની વિદાય (સં ૨૦૪૪ ભા.વ.૩૦) બાદ પ્રકાશિત થયેલા દળદાર સ્મૃતિગ્રંથનું અવગાહન કરવું જ રહ્યું!
પ્રિય વાંચક! હવે તો ઓળખી જ ગયા હશો ને કે આ પૂજયશ્રી કોણ હશે? - પૂજયશ્રીના ચરણોમાં અનંતશ વંદના.
- ૨૦
