________________
૨૦: કરિયાતામાં ભીંજાવેલી રોટલીના આયંબિલથી મહાનિશીથ સૂત્રના યોગોદ્વહન કરતા મુનિશ્રી....
લગભગ ૧૭ વર્ષની ઉંમરે મહાનિશીથ સૂત્રના યોગોદ્વહન કરી રહેલા એક મુનિવરે ૫૨ દિવસ સુધી ફક્ત કરિયાતું અને રોટલી દ્વારા આયંબિલ કર્યા હતા.
કરિયાતામાં રોટલીઓને ભીંજવીને અર્ધો કલાક સુધી રહેવા દેતા. અને ત્યારબાદ પ્રસન્નચિત્તે વાપરતા.
એમની અનુમોદનાર્થે અનેક સાધુ-સાધ્વીજી ભગવંતોએ એકાદ દિવસ કરિયાતા અને રોટલીથી આયંબિલ કર્યા હતા.
ધન્ય છે રસના વિજેતા મુનિવરને ...
આ મુનિવર હાલ ચારેક વર્ષથી ઠામ ચોવિહાર એકાશણા સાથે અધ્યયન-અધ્યાપનમાં લીન રહે છે.
તેમના વડિલ બંધુએ તેમનાથી અગાઉ દીક્ષા લીધેલ છે તથા પિતાશ્રીએ પણ પાછળથી દીક્ષા લીધી છે. સાડા પાંચ અક્ષરના આ મુનિવરના નામના એક સુપ્રસિદ્ધ ઉપાધ્યાય ભગવંતે રચેલા અનેક સ્તવનો તથા સજ્ઝાયો. જૈન સંઘમાં આજે ખૂબ ગવાય છે.
આ મુનિવર જે સમુદાય (ગચ્છ)ના છે તેના ત્રણ નામ છે. કહો જોઉં કોણ હશે. આ મુનિવર ! અને તેઓ ક્યા સમુદાયના હશે ?....
૨૧ : ૩૦મા ઉપવાસે પ્રસન્નતા સહ લોચ કરાવતા મુનિવર
સં. ૨૦૪૦માં ગચ્છાધિપતિ ગુરુદેવશ્રીની તારક નિશ્રામાં ૬૭ ઠાણા સાધુ-સાધ્વીજી શ્રીસમેતશિખરજી મહાતીર્થમાં ચાતુર્માસ બિરાજમાન હતા. ૪ મહિના સુધી દરરોજ ગચ્છાધિપતિશ્રીએ ઉત્તરાધ્યયન સૂત્રના વિનય અધ્યયનના પ્રથમ શ્લોકના આધારે જ સાધુ-સાધ્વીજી ભગવંતોને વાચના આપી. અનેક સાધુ-સાધ્વીજી ભગવંતોને આગમ સૂત્રોના યોગોદ્વહન કરાવ્યા. પર્યુષણના દિવસો નજીક આવતાં ગુરુદેવશ્રીએ પોતાની ભાવના
બહુરત્ના વસુંધરા ભાગ ત્રીજો ૩૮
