________________
આટલી તપશ્ચર્યા છતાં પણ પ્રસિદ્ધિ અને આડંબરથી સદા નિરાળા રહેલા આ સૌમ્ય સ્વભાવી આચાર્ય ભગવંતનું નામ હજી પણ ઘણા જૈનોને ખબર નથી એ કેટલી આશ્ચર્યજનક વાત કહેવાય !....
કોઈપણ રાજાનો રાજયાભિષેક થાય ત્યારે કરવામાં આવતી એક વિશિષ્ટ વિધિ તેઓશ્રીના નામને સૂચિત કરે છે !
વળી તેઓશ્રીના નામનો ઉત્તરાર્ધ જિનશાસનના એક એવા વિશિષ્ટ પ્રતીકને સૂચવે છે કે જેની રક્ષા, કુમારપાળ મહારાજા પછી રાજગાદીએ આવેલ આતતાયી રાજા અજયપાળના સમયમાં ૨૧ જેટલા નવપરિણીત યુગલોએ ધગધગતા તેલના કડાયામાં પોતાની જાતને સહર્ષ હોમી દઈને કરી હતી !!!...
‘તપસ્વી સમ્રાટ’ આચાર્ય ભગવંતના ગુરુદેવશ્રી એટલે ‘કર્મસાહિત્ય નિષ્ણાત’, ‘સુવિશુદ્ધ સચ્ચારિત્રચૂડામણિ’, ‘અખંડબ્રહ્મતેંજોમૂર્તિ' તરીકે જિનશાસનમાં સુપ્રસિદ્ધ થઈ ગયેલ સુવિશાલ મુનિગણ નેતા આચાર્ય ભગવંતશ્રી!
હવે તો ઓળખી લીધી ને આ ગુરુ-શિષ્યની અજોડ જોડીને ?!
જો આવા ‘‘તપસ્વી સમ્રાટ'' આચાર્ય ભગવંતના દર્શન-વંદન ન કર્યા હોય તો જયાં સુધી તેઓશ્રીના દર્શન-વંદન ન થાય ત્યાં સુધી એકાદ પ્રિય ચીજના ત્યાગનો શુભ સંકલ્પ અત્યારથી જ કરશો ને ? આ વર્ષે તેઓશ્રી અમદાવાદમાં ચાતુર્માસ બિરાજમાન છે.
તપસ્વી સમ્રાટ સૂરીશ્વરના ચરણારવિંદમાં અનંતશઃ ભાવ વંદના. તેઓશ્રી શીઘ્ર ત્રીજી વાર ૧૦૦ ઓળી પૂર્ણ કરનારા બને તેવી શાસન દેવને પ્રાર્થના.
:
ભીષણ કલિકાલ મોજાર, વસે છે એક ધન્નો અણગાર...!!!
૭
‘‘ગીનીસ બુક ઓફ વર્લ્ડ રેકર્ડ'' માં દુનિયામાં સહુથી વધુ ખાનારા અને સૌથી વધુ શરીરનું વજન ધરાવનારા માનવોની મહાનતા આલેખાયી છે. ત્યારે શાસ્ત્રોનાં સુવર્ણ પૃષ્ઠો ૫૨ ઘોર તપ કરનારા અને તપ તથા સંયમની સાધના દ્વારા શરીર અને કર્મોને શોષી નાખનારા ધન્ના અણગાર જેવા મુનિવરોની જીવનગાથા આલેખાયેલી છે.
