________________
કહેવાશે અનુમોદના સાચી લેશો આ પ્રતિજ્ઞા વાંચી
પ્રિય વાંચક ! આપણા જીવનમાં આવી ઘોર સાધના કરવાની વાત તો દૂર રહી પરંતુ વિચારતાં ય આપણને ગભરામણ થઈ જાય. ત્યારે જ્ઞાનીઓ કહે છે કે ‘‘કરણ કરાવણ ને અનુમોદન, સરિખા ફલ નીપજાવે.’’ દિલથી અનુમોદના કરવા દ્વારા આપણે પણ આવા તપનો લાભ મેળવી શકીએ છીએ. પણ સબૂર, માત્ર લુખ્ખી અનુમોદના કરવાથી સાચી અનુમોદના ગણાતી નથી, પરંતુ આવા તપસ્વી સમ્રાટ આચાર્ય ભગવંતની ઘોર તપશ્ચર્યાની યાદી વાંચીને આપણા જીવનમાં એકાદ પણ નાનકડો વ્રત, નિયમ, ત્યાગ કે તપનો સંકલ્પ કરીએ, વ્યસનોનો ત્યાગ કરીએ તથા એક કે ત્રણ વર્ષમાં ૧૦૮ આયંબિલ પૂર્ણ કરવાનો અભિગ્રહ લઈએ તેમજ જયાં સુધી આવા મહાપુરુષનાં પ્રત્યક્ષ દર્શન-વંદન ન થાય ત્યાં સુધી એકાદ પ્રિય ચીજનો ત્યાગ કરીએ તો જ વાંચેલી તપશ્ચર્યાની યાદી અને કરેલી અનુમોદના સાર્થક અને સફળ ગણાશે.
જી મહા તપસ્વીરત્ન સૂરીશ્વરજી
૪૩ વર્ષની ઉંમરે સજોડે દીક્ષા અંગીકાર કરીને, ૭૫ વર્ષની વયે સૂરિપદે બિરાજમાન થઈને, ૯૪ વર્ષની વયે પાંચ વર્ષ પહેલાં (સં. ૨૦૪૮, મહા સુદિ ૧૧) કાલધર્મ પામેલા આચાર્ય ભગવંતે પોતાના જીવનમાં કરેલી તપ-જપની સાધના ખરેખર હેરત પમાડે તેવી છે.
આ રહી તેમણે કરેલી આરાધના-સાધનાની રૂપરેખા. ભારે અહોભાવથી વાંચશો તો અઢળક કર્મ નિર્જરા સાથે મહાન પુણ્ય ઉપાર્જન થશે અને કયારેક એવી વિશિષ્ટ સાધના કરવાની શક્તિ પણ પ્રાપ્ત થશે.
ઉપવાસ
(૧) શ્રી નવકાર મહામંત્રના સળંગ ૬૮ ઉપવાસ પારણે ૧૧ આયંબિલ.
(૨) ૪૫ આગમના ૪૫ ઉપવાસ
(૩) મૃત્યુંજય તપ = માસક્ષમણ.
(૪) ૨૦ વખત સિદ્ધિતપ !... તેમાં પણ ૧૮ વખત તો દરેક પારણામાં આયંબિલપૂર્વક સિદ્ધિતપ કરેલ !
(૫) શ્રેણિતપ
