________________
સાધુ-સાધ્વીજીઓને પણ તેઓ જયાં જયાં હોય ત્યાં ચાતુર્માસ માટેની આજ્ઞા તે તે સંઘોના આગેવાન શ્રાવકો અષાઢ સુદમાં વિનંતિ કરવા આવે ત્યારે તેમના મારફત જણાવી દે છે!...
તેમના જીવનના અનેક પ્રેરક પ્રસંગો તથા વિગતવાર જીવન ચરિત્રને જાણવાની જિજ્ઞાસુઓ, કોબા (જિ.ગાંધીનગર) થી ઈ.સ. ૧૯૯૧ના જુલાઈ-ઓગષ્ટ મહિનામાં પ્રસિદ્ધ થયેલ “દિવ્યધ્વનિ' વિશેષાંક તથા ઈન્દોરથી પ્રસિદ્ધ થયેલ
તીર્થકર' માસિકના વિશેષાંક દ્વારા પોતાની જિજ્ઞાસા સંતોષી શકે છે. તદુપરાંત એક શ્રાવિકાએ તેમના જીવન વિષે પી.એચ.ડી. નો મહાનિબંધ લખ્યો છે! બીજી પણ પાંચ સ્મારિકાઓ તથા જીવન ચરિત્રના પુસ્તક પ્રકાશિત થયેલ છે !. - તેઓશ્રી મોટા ભાગે મધ્યપ્રદેશ તથા રાજસ્થાનમાં વિચરે છે. પરંતુ ગત વર્ષે પહેલી વાર ગુજરાતમાં સુરત પાસે મહુવા ગામમાં ચાતુર્માસ કરેલ. ચાતુર્માસ બાદ ગિરનાર તથા પાલિતાણાની યાત્રા કરીને તેઓ પુનઃ મધ્યપ્રદેશ તરફ પ્રયાણ કરી ગયા છે. - તેમના નામનો પૂર્વાર્ધ એવા પ્રકારના ધનને સુચવનાર અઢી અક્ષરનો - સ્ત્રીલિંગ શબ્દ છે કે જેને ચોર ચોરી શક્તા નથી, રાજા લઈ શકતો નથી, ભાઈઓ ભાગ પડાવી શકતા નથી અને જેમ જેમ વાપરવામાં આવે તેમ તેમા વૃદ્ધિ પામે છે. તથા ઉત્તરાર્ધનો અર્થ સમુદ્ર થાય છે !..
અધ્યાત્મયોગી આચાર્ય ભગવતંત્રી) એ આચાર્ય ભગવંત આજે અધ્યાત્મયોગી તરીકે જૈન શાસનમાં સુપ્રસિદ્ધ છે.
એમની ધ્યાનયોગની પ્રવૃત્તિ જોતાં એમ જ લાગે છે કે જૈન સાધનામાંથી ઠીક ઠીક પ્રમાણમાં વીસરાઈ ગયેલા ધ્યાન સાધનાના માર્ગને પુનઃ ચાલુ કરવા તેઓ, | જાત અનુભવ અને સ્વયં પ્રયોગ દ્વારા બહુ જ આવકારપાત્ર પ્રયત્ન કરી રહ્યા છે. જયારે તેઓ તીર્થંકર પરમાત્માની પ્રતિમા સામે ઈશ્વર પ્રણિધાનમાં ઊતરી જાય છે ત્યારે તો આરામ, આહાર અને સ્થળ-કાળના ભેદને વીસરી ગયા હોય તેવું ભવ્ય અને પ્રેરક દશ્ય જોવા મળે છે! આહાર લેવાની વૃત્તિ ઉપર તથાસ્વાદ ઉપર એમણે જે કાબૂ મેળવ્યો છે તે હેરત પમાડે તેવો અને દાખલા રૂપ બની રહે તેવો છે.
પોતાના ધર્મપત્ની અને બંને સંતાનો સાથે તેમણે સંયમ અંગીકાર કરેલ છે.
૧૪
