________________
પ્રતિજ્ઞાપૂર્વક ૧-૧ લાખ નવકારની આરાધના પૂર્ણ કરી હતી. હવે તો વર્ષોથી તેમના જીવનમાં જાણે સદાયને માટે એકાશણા સહજ બની ગયા છે.
ક્યાંય છૂટક પૂજન ભણાવવું હોય કે અંજનશલાકા પ્રતિષ્ઠા જેવા મહાન વિધિ-વિધાનો કરાવવા હોય તો પણ તેઓ એક નવો પૈસો પણ લેતા નથી. બહુમાન પણ ન સ્વીકારવાની તેમની પ્રતિજ્ઞા છે.
આવી નિઃસ્પૃહવૃત્તિ અને ઉત્તમ આરાધનાના પરિણામે તેમના જીવનમાં એવી સૂક્ષ્મની તાકાતનું પ્રચંડ બળ નિર્માણ પામેલું છે કે તેઓ ભારતભરમાં જ્યાં પણ જાય ત્યાં એમનો પડયો બોલ ઝીલાય છે ! હૈદ્રાબાદ (ચૈતન્યપુરી), ગાડરવાડા, જબલપુર, વિગેરે અનેક ઠેકાણે તેમની પ્રેરણાથી જિuલયોના નિર્માણ થયા છે. જેમાં તેમણે સ્વયં પણ સારો એવો આર્થિક સહયોગ આપ્યો છે !
પોતાના ઘરે ગૃહમંદિર માટે તેમણે ખાસ સુવર્ણનું જિનબિંબ પણ ઉત્કૃષ્ટ જિનભક્તિના પરિણામે ભરાવેલ છે ! જિનભક્તિ અને ધાર્મિક વાર્તાલાપ માટે પરદેશથી પણ તેમને આમંત્રણ મળી રહ્યા છે. તેમના ધર્મપત્ની સુશ્રાવિકા શ્રી દમયંતીબેન પણ નવકાર મહામંત્રના વિશિષ્ટ આરાધક અને ધર્મના રંગે રંગાયેલા છે.
કહેવત છે કે - ‘વડ તેવા ટેટા અને બાપ તેવા બેટા'. પરંતુ કયવત્ર કુમારને તો ગર્ભાવસ્થાથી જ આવા ઉત્તમ માતા-પિતાના સંસ્કારો મળ્યા હોવાથી બાપ કરતાં બેટા સવાયા' આ ઉક્તિને સાર્થક કરે તેવા ચિહ્નો નાનપણથી જ તેનામાં દેખાઈ રહ્યા છે.
માતા પિતાના પગલે પગલે એ પણ ક્રોડ નવકારની આરાધનામાં અત્યારથી જ જોડાઈ ગયેલ છે. એના હાથમાં પણ જ્યારે જુઓ ત્યારે નવકારની ગણના ચાલુ જ હોય !....
નવકાર મહામંત્ર પ્રત્યે તેને ગળથૂથીથી જ એવી અતૂટ શ્રધ્ધા મળી છે કે કોઈ પણ કાર્ય કરવામાં જો જરાપણ અંતરાય કે વિલંબ થતો જોવાય તો તરત જ આદિનાથ ભગવાનને ચેલેન્જ પૂર્વકની પ્રાર્થના કરીને નવકાર મહામંત્રનું સ્મરણ કરે કે તુરત કાર્ય સિદ્ધ થયા વિના રહે નહિ !!!...
રોજ સવારે માતા-પિતાને પગે લાગીને તેમના આશીર્વાદ મેળવે છે. પાંચેક વર્ષની ઉંમરથી જ એ પોતાના પિતાશ્રી સાથે સ્કૂલમાં રજા હોય ત્યારે પૂજનમાં બેસતો હોવાથી આજે ૧૧ વર્ષની ઉંમરે તો શ્રી સિદ્ધચક્રમહાપૂજન તેમજ શ્રી બૃહત્ક્રાંતિસ્નાત્ર જેવા પૂજનો તો પુસ્તક કે પ્રતના આધાર વિના જ અત્યંત શુધ્ધ ઉચ્ચારપૂર્વક તે મોઢે ભણાવી શકે છે !!! ... ઘણીવાર એકીસાથે ૨-૩ ઠેકાણે પૂજન ભણાવવા માટે
બહુરત્ના વસુંધરા-ભાગ બીજો = ૧૧૬
