________________
ભગવંતોની વૈયાવચ્ચ કરીને બાકીનો સમય નવકાર મહામંત્રનું સ્મરણ તેમજ જૈન ધર્મના પુસ્તકોનું સદ્વાંચન કરવા દ્વારા બાકીની જિંદગી સાર્થક બનાવવાની તેમજ ખૂબ જ અનુમોદનીય ભાવના છે. તેમની આ ઉત્તમ ભાવના જલ્દી પરિપૂર્ણ થાય એ જ શુભ ભાવના.
૧૪૦ઃ જૈન સાધુ-સાધ્વીજીની અપૂર્વ ભક્તિ કરતા
ઝમરગામના દરબાર
ગુજરાત રાજ્યમાં વઢવાણથી ધ્રાંગધ્રાના વિહાર માર્ગમાં ઝમરગામ નામે નાનું ગામડું આવેલું છે. એ ગામમાં દેરાસર ઉપાશ્રય કે એક પણ જૈન ઘર નથી.
છતાં પણ એ ગામમાં પધારતા કોઈપણ જૈન સાધુ-સાધ્વીજી ભગવંતોને જરાપણ તકલીફ પડતી નથી.
કારણ કે ગામમાં રહેતા દરબાર... એક વિશિષ્ટ શ્રદ્ધાળુ જૈન શ્રાવકની માફક જ સાધુ-સાધ્વીજી ભગવંતોની અપૂર્વ ભક્તિ કરે છે.
પોતાનું એક મકાન જૈન સાધુ-સાધ્વીજી ભગવંતોને ઉતારવા માટે તેમણે ખાસ અલાયદું જ રાખેલ છે.
કોઈપણ સમુદાયના જૈન સાધુ-સાધ્વીજી ત્યાં પધારે એટલે જાણે કે કે સાક્ષાત ભગવાન પોતાના આંગણે પધાર્યા હોય તેટલા અહોભાવથી તેઓ તેમની ભક્તિ કરવામાં જરાપણ કચાશ રાખતા નથી.
ગોચરી પાણી ઔષધ વિગેરે તો ભાવપૂર્વક વહોરાવે જ પરંતુ શિયાળામાં મેવો તથા ઉનાળામાં ટવિગેરે દ્વારા પણ ઉલ્લાસપૂર્વક ભક્તિ કરે છે!
ગમે તેટલી સંખ્યામાં સાધુ-સાધ્વીજી પધારે તો પણ બધી જ વૈયાવચ્ચનો લાભ તેઓ આનંદપૂર્વક લે છે.
. કેટલાક વર્ષ અગાઉ તેમને કંઈક તકલીફ હતી તે કોઈ જૈન મુનિવરના આશીવદિથી દૂર થઈ જતાં તેમના અંતરમાં જૈન સાધુ-સાધ્વીજી પ્રત્યે શ્રદ્ધાના બીજનું વપન થઈ ગયું. પછી તો જૈન સાધુ-સાધ્વીજી ભગવંતોનું તપ-ત્યાગ અને સદાચારમય જીવન જોઈને ઉત્તરોત્તર અહોભાવમાં અભિવૃદ્ધિ થતી ગઈ. આજે તેઓ વ્યાવહારિક દ્રષ્ટિએ સાધન સંપન છે અને મળેલી સંપત્તિને આ રીતે સાધુ-સાધ્વીજી ભગવંતોની વિશિષ્ટ ભક્તિ દ્વારા છે સાર્થક બનાવી રહ્યા છે.
બહુરત્ના વસુંધરા-ભાગ બીજો ૩૦૮ S
