________________
આ ગામમાં હિરજન ભાણાભાઈ પાંચાભાઈ પરમાર પોતાના પરિવાર સાથે રહે છે. આજથી વીસેક વર્ષ પહેલાં તેમને સોનગઢવાળા કાનજીસ્વામી અને પછાત જ્ઞાતિઓમાં જૈન ધર્મનો પ્રચાર કરતા તેમના કેટલાક અનુયાયીઓનો પરિચય થયો. તેમણે જૈન ધર્મ અને તેના આચાર-વિચારો સમજાવ્યા. આથી તે હિરજન ભાણાભાઈ, તેમના પત્ની મોંઘીબેન તથા શાળા માવજીભાઈ ભગતે જૈનધર્મ અંગીકાર કરી રાત્રિભોજનનો ત્યાગ કર્યો. કંદમૂળ તેમજ અન્ય અભક્ષ્યનો પણ ત્યાગ કર્યો. આજ લાગી તેમનો નિયમ ચાલુ છે. માતા-પિતા તરફથી જૈન ધર્મના સંસ્કાર મળવાથી તેમની ૧૦ વર્ષની સુપુત્રી નવલબાઈએ પણ કંદમૂળ તેમજ અભક્ષ્યનો ત્યાગ કર્યો અને રાત્રિભોજન નહિ કરવાનો પણ નિયમ લીધો.
આ કન્યાની ૧૮ વર્ષની વય થતાં તેના માતા-પિતા યોગ્ય મૂરતીયાની શોધ કરવા લાગ્યા ત્યારે આ કન્યાએ માતા-પિતાને વિનયપૂર્વક સ્પષ્ટ જણાવી દીધું કે-‘હું લગ્ન તો જ કરીશ, જો સાસરામાં કંદમૂળ તથા રાત્રિભોજનનો ત્યાગ ક૨વા મળે’' !... આથી ખુશ થઈને માતા-પિતાએ સામા પક્ષવાળાને આ હકીકતથી વાકેફ કર્યા. તેઓ પણ આમાં સંમત થયા ત્યારે આજથી ૭ વર્ષ પૂર્વે આ નવલબાઈના લગ્ન થયા. લગ્ન વખતે પણ રાત્રિભોજન તથા કંદમૂળ આદિ અભક્ષ્ય ત્યાગના નિયમનું બરાબર પાલન કરવામાં આવ્યું !!!
વાગડ પ્રદેશના પરમોપકારી અધ્યાત્મયોગી પ. પૂ. આ. ભ. શ્રી વિ. કલાપૂર્ણસૂરીશ્વરજી મ. સા. ગામમાં પધારતા ત્યારે ભાણાભાઈ, માવજીભાઈ તથા નવલબાઈ અચૂક વ્યાખ્યાન સાંભળવા જતા અને પોતાના આત્માને
ધન્ય માનતા.
આ ભાણાભાઈની બીજી સુપુત્રી અલલબાઈએ પણ માતા-પિતાના સંસ્કારોથી ૧૦ વર્ષની વયે રાત્રિભોજન તથા કંદમૂળ આદિ અભક્ષ્ય ત્યાગનો નિયમ લીધેલ છે. તેના લગ્ન આજથી ૩ વર્ષ પહેલાં ગાગોદર ગામમાં થયેલ છે. લગ્નબાદ પોતાના પતિને પણ રાત્રિભોજન તથા કંદમૂળ આદિ અભક્ષ્ય ભક્ષણથી થતી જીવહિંસા અને તેનું ભયંકર પાપ સમજાવીને તેના ત્યાગનો નિયમ કરાવેલ છે ! અને આ રીતે ‘‘ધર્મ-પત્ની’ તરીકેનું પોતાનું કર્તવ્ય સારી રીતે અદા કરેલ છે.
[પોતાની જાતને ‘મોર્ડર્ન'' કહેવડાવતા આજના યુવક-યુવતીઓ આમાંથી બોધપાઠ લે તો સારું !]
પ્રાગપુરથી પૂર્વ દિશામાં ૩ કિ.મી. દૂર વલ્લભપુર નામે ગામ છે. ત્યાં નીચે મુજબના પછાત કોળી જાતિના માણસો જૈન ધર્મ પાળે છે અને રાત્રિભોજન તથા કંદમૂળ આદિ અભક્ષ્યનો ત્યાગ કરેલ છે.
(૧) કોળી ગંગારામ રણછોડ (૨) ઝીણીબેન ગંગારામ (૩) કોળી રાઘુભાઈ રણછોડ (૪) સેજીબાઈ રાધુ
બહુરત્ના વસુંધરા-ભાગ બીજો – ૩૧૫
