________________
જ્યાં આ ન ખાવું, તે ન પીવું, આ ન જોવું, તે ન કરવું વિગેરે ડગલે ને પગલે કેટલાય નિયમોના બંધનોની વાતો કરી છે. આના કરતાં તો પશુ થયા હોત કે રાણી એલીઝાબેથના ઘરમાં કૂતરા તરીકે સ્થાન મળ્યું હોત તો રાણી પોતાના હાથે રમાડત, મોટરમાં ફરવા મળત, રાણીના હાથે કૈક વિગેરે ખાવા મળત...' ઈત્યાદિ.
ત્યારે બીજી બાજુ મિસ્ત્રીકુળમાં જન્મ પામવા છતાં પાછળથી જૈન ધર્મના મર્મને કાંઈક અંશે સમજેલો એક હળુકર્મી આત્મા જૈન ધર્મ પ્રત્યે કેવું અનહદ માન ધરાવે છે અને કેવા મનોરથ સેવે છે તે આપણે જોઈએ.
મૂળ કચ્છ-ભુજની બાજુમાં કુકમા ગામમાં મિસ્ત્રીકુળમાં જન્મેલા પરંતુ ઋણાનુબંધ કે ભવિતવ્યતાવશાત્ કચ્છ-રામપર વેકડા ગામના સ્થાનકવાસી જૈન પરિવારમાં પરણેલા રેખાબેન (ઉ. વ. ૨૫) હાલ ગાંધીધામમાં અપના નગરમાં રહે છે. B.Com. સુધી વ્યાવહારિક અભ્યાસ કરેલ છે.
જૈન પરિવારમાં લગ્ન થવાથી જૈન સાધુ-સાધ્વીજી ભગવંતોના સત્સંગ અને વ્યાખ્યાન શ્રવણથી રેખાબેનના આંતરમનમાં રહેલા સુષુપ્ત ધાર્મિક સંસ્કારો જાગ્રત થઈ ગયા છે. પરિણામે તેમણે યાવજ્જવ રાત્રિભોજન તેમજ કંદમૂળને પ્રતિજ્ઞાપૂર્વક તિલાંજલિ આપી દીધી છે. (આજે જૈન કુળમાં જન્મેલા પણ કેટલાય આત્માઓ નરકના દ્વાર સમાન આ બે પાપોને છોડી શકતા નથી. તેમણે રેખાબેનના દૃષ્ટાંતમાંથી ખાસ પ્રેરણા લેવા જેવી છે.) એકાશણા, આયંબિલ, ઉપવાસ, છઠ્ઠ, અઠ્ઠમ વિગેરે તપશ્ચર્યા તેમની ચાલુ જ હોય છે. સંસારમાં આરંભસમારંભના કાર્યોમાં ન છૂટકે થતી જીવહિંસાથી તેમનું હૃદય એકદમ દ્રવી ઊઠે છે અને ઘરના સભ્યોને પણ જેમ બને તેમ વધુ ને વધુ જયણા પૂર્વક જીવન જીવવા માટે તેઓ અવારનવાર પ્રેરણા આપતા રહે છે.
તેમને પ્રીત નામે એક જ નાનો સુપુત્ર છે. પોતાની ઉંમર નાની હોવા છતાં પોતાના પતિને યાવજ્જીવ બ્રહ્મચર્ય વ્રત સ્વીકારી લેવા માટે અવારનવાર સમજાવતા રહે છે. તેઓ અત્યંત પાપભીરૂ અને ભવભીરૂ છે. કચ્છ-૭૨ જિનાલયની પ્રતિષ્ઠા પ્રસંગે તેમણે અઠ્ઠમ કરેલ ત્યારે પ્રભાવનામાં મળેલ “બહુરત્ના વસુંધરા ભાગ-૧” માં આલેખાયેલ ૭૨ દૃષ્ટાંતો વાંચીને કહ્યું કે-મ. સા. મારી પણ સ્થિતિ કંઈક અંશે એવા પ્રકારની છે. જો મને નાનપણથી જૈન ધર્મ મળ્યો હોત તો હું લગ્ન જ ન કરત અને ચોક્કસ દીક્ષા જ લઈ લેત, જેથી પાપો તો ન કરવા પડત’- આટલું બોલતાં બોલતાં તેમની આંખોમાં આંસુ ધસી આવ્યા ! કેવી ભવભીરૂતા !...
બહુરત્ના વસુંધરા-ભાગ બીજો ૩૧૭
