________________
સાધર્મિકોની ભક્તિ કર્યા પછી જ પારણું કરેલ . (૧૨) મહાભદ્રતપ=આ તપમાં પ્રથમ શ્રેણિમાં ૧-૨-૩-૪-૫-૬-૭ ઉપવાસ એટલે કે કુલ ૨૮ ઉપવાસ આવે. પારણામાં એકાશણું જ કરતા. આવી રીતે કુલ ૭ શ્રેણિના ૧૯૬ ઉપવાસ તથા ૪૯ પારણા મળીને ૨૪૫ દિવસે આ તપ પૂર્ણ થાય છે (૧૩) ભદ્રોત્તરતપ= આ તપમાં કુલ ૫ શ્રેણિ હોય છે. દરેક શ્રેણિમાં ૫-૬-૭-૮-૯ ઉપવાસ એકેક પારણાના અંતરે કરવાના હોય છે. એટલે ૧૭૫ ઉપવાસ તથા ૨૫ પારણા મળી ૨૦૦ દિવસે આ તપ પૂર્ણ થાય છે. (૧૪) ભદ્રતપઃ- આ તપમાં પાંચ શ્રેણિ હોય. દરેક શ્રેણિમાં ૧-૨-૩-૪-૫ ઉપવાસ એકેક પારણાના આંતરે કરવાના હોય છે. એટલે કુલ ૭૫ ઉપવાસ અને ૨૫ પારણા મળી ૧૦૦ દિવસે આ તપ પૂર્ણ થાય છે. દરેક પારણામાં બ્યાસણાના બદલે ઝમકુબેને એકાશણા કરેલ છે. તે પણ મોટા ભાગે બે દ્રવ્યથી જ એકાશણા કરેલ છે. (૧૫) ધર્મચક્ર તપ=પ્રારંભ તથા પૂર્ણાહુતિમાં એક એક અક્રમ અને વચ્ચે ૩૭ ઉપવાસ એકાંતરે કરવાના એમ કુલ ૮૨ દિવસમાં આ તપ થાય છે. (૧૬) બે વર્ષ સુધી દર મહિને ચોવિહાર અઠ્ઠમ તપ કરેલ. તેમાં પાર્શ્વનાથ ભગવંતના ભવ્ય પ્રાચીન તીર્થો હોય ત્યાં જઈ ૩ દિવસ ત્યાં જ અઠ્ઠમ સાથે રોકાઈ જાપ, ભક્તિ વિગેરે કરતા અને પારણું બીજા કોઈ તીર્થમાં જઈ પ્રભુભક્તિ વિગેરે કર્યા બાદ કરતા. (૧૭) શંત્રુજ્યતપઃ- પાલિતાણામાં બે ચોમાસા કર્યા. બંને વખત, છઠ્ઠ તથા બે અઠ્ઠમ કરેલ. (૧૮) બે વર્ષીતપ કરેલ. (૧૯) છેલ્લા ૩૫ વર્ષમાં એકાંતા ઉપવાસથી ઓછું તપ તેમણે કરેલ નથી. અર્થાત્ સળંગ બે દિવસ કદી વાપર્યું નથી ! આજે પણ તેમના એકાંતરા ઉપવાસ ચાલુ છે. ધન્ય
આવા તપસ્વી આત્માઓને. શ્રીજિનશાસન આવા તપસ્વી આરાધક આત્માઓથી ગૌરવવંતું છે. આપણે પણ · આવા તપસ્વી આત્માના જીવનમાંથી કંઈક પ્રેરણા મેળવીને, આહારસંશા ઉપર કાબૂ મેળવી, દેહાધ્યાસથી મુક્ત બની, આત્માના અણાહારી પદને પ્રાપ્ત કરવા કટિબદ્ધ બનીએ એ જ મંગલ ભાવના.
સરનામું :- ઝમકુબેન લાલજી ઘેલાભાઈ ખોના.
C/. વીરચંદ લાલજી ખોના.
A સાંઈધામ એપાર્ટમેન્ટ- ૭ મે માળે, પરસોત્તમ ખેરાજ રોડ,
મુલુંડ (વેસ્ટ)- મુંબઈ ૪૦૦૦૮૦
ફોન ઃ ૫૬૧૯૦૨૨/૮૫૫૩૭૩૭
બહુરત્ના વસુંધરા–ભાગ બીજો ૨૭૧
