________________
ભાણિયા સહિત ઘરમાં રહેતા અગિયાર બાળકોને શાળામાંથી ઉઠાડી લેવા જોઈએ તેવો મત વ્યક્ત કર્યો. વર્તમાન શિક્ષણના ગેરફાયદાઓ અને ઋષિઓના જમાનાના શિક્ષણના લાભોની માહિતી આપી. આખરે બધાએ ઉત્તમભાઈની યોજનાને મંજૂરીની મહોર મારી હતી. ઘરમાં સૌથી મોટા ભાઈ રમણભાઈની દીકરી પૂનમ ધો. ૧૨માં, પુત્ર ચેતન ધો. ૧૦માં, અક્ષય સાતમામાં અને ધર્મેશ પાંચમામાં હતો. બીજા નંબરના ઉત્તમભાઈની દીકરી કાજલ ધો. ૧૨માં, આરતી ધો. ૧૦માં, અંકિતા નવમામાં અને અખિલ સાતમામાં હતો. ત્રીજા નંબરના શૈલેષભાઈની શ્વેતા સાતમામાં અને સૌથી નાના અજિતભાઈની દિકરી અનિતા તો બે વર્ષની જ હતી. આ ઉપરાંત આ રાવે ભાઈઓની મુંબઈ પરણાવેલી ઈન્દિરાબહેનનો દીકરો વિશાલ પણ દસમામાં હતો. આ અગિયારે બાળકોને શાળામાંથી ઉઠાડી મૂકતાં જાણે ધરતીકંપ થયો. મોટા ભાગના લોકોએ ઉત્તમભાઈના નિર્ણયની ટીકા કરી. - જ્યારે ઘણાએ આ નિર્ણયને આવકાર્યો પણ ખરો.
છેલ્લા દોઢ વર્ષથી આ અગિયારે બાળકોએ જૂનું બધું જ ભૂલીને સંસ્કૃત ભણવાની શરૂઆત કરી છે. સંસ્કૃતનો મોટા ભાગનો અભ્યાસ પૂર્ણ થઈ ગયો છે. હવે પ્રાકૃત ભણવાની શરૂઆત કરી છે. સ્કૂલને બદલે ઘરે જ ઊભી કરવામાં આવેલી પાઠશાળામાં રોજ આઠ કલાક અભ્યાસ કરતાં આ બાળકોને માત્ર ભણવાનું નહીં, પરંતુ સાથે સંગીતની તાલીમ પણ આપવામાં આવે છે. આ ઉપરાંત હમણાં સુધી સ્વિમિંગ, ઘોડેસવારી અને યોગાસનની તાલીમ પણ લીધી છે. આ બધા વિષયો માટે અલગ અલગ શિક્ષકો રોકવામાં આવ્યા છે.
એક સમાન્ય પ્રશ્ન ઉભવે કે સંસ્કૃત અને પ્રાકૃત ભવિષ્યમાં શું કામ આવે ? તેનો જવાબ પણ આ પરિવાર પાસે છે. સંસ્કૃત અને પ્રાકૃતનો પ્રારંભિક તબક્કો છે, પરંતુ તેમના અભ્યાસક્રમ અનુસાર હવે પછી તેઓ ગુજરાતી, હિંદી, અંગ્રેજી, જ્યોતિષશાસ્ત્ર, આયુર્વેદ, વાસ્તુશાસ્ત્ર, ઈતિહાસ, ખગોળશાસ્ત્ર, નીતિશાસ્ત્ર અને વૈદિક ગણિતનો પણ અભ્યાસ કરશે. આ 5 ઉપરાંત રાઈફલ શૂટિંગ, વ્યાપાર સંચાલન, હસ્તકલા, કૃષિ-પશુપાલન, નાટ્ય, વકતૃત્વ વગેરેની તાલીમ પણ આપવામાં આવશે.
ઉત્તમભાઈ શાહે અભિયાન સાથેની મુલાકાતમાં કહ્યું હતું કે સંસ્કૃત માટે લોકોની ખોટી માન્યતા છે કે સંસ્કૃત એટલે ધર્મનું જ શિક્ષણ, પરંતુ મારા મતે સંસ્કૃત શીખ્યા વગરનો ભારતીય અધૂરો છે. આ બધાં જ બાળકો હાઈટેક જમાનાના વિષયોનો પણ અભ્યાસ કરશે, પરંતુ પોતાની મૂળ ભાષા પર તો કાબૂ હોવો જ જોઈએ!
આજનું શિક્ષણ અર્થહીન હોવાનો દાવો કરતાં ઉત્તમભાઈએ કહ્યું હતું કે આપણે Yિ બહુરના વસુંધરા-ભાગ બીજો ા ૧૮૦
