________________
(૪૪)
દક્ષિણ ભારતના અત્યન્ત ધનાઢ્ય, વિશાળ કુટુંબ ધરાવતા શ્રાવકને ત્યાં હજી ટી.વી. એરકન્ડિશન અને ફ્રીજ આવ્યાં નથી.
(૪૫)
છેલ્લાં પંદર વર્ષથી ભારતભરમાં દર વર્ષે પચાસ જેટલાં કેન્દ્રોમાં ધર્મનિષ્ઠ સદાચાર સંપન્ન, શાસ્ત્રચુસ્ત યુવાનોની ટુકડીઓ પર્યુષણ પર્વની આરાધના કરાવવા જાય છે. જ્યાં મુનિઓ પહોંચ્યા નથી ત્યાં આ શ્રમણોપાસકો પહોંચે છે. લગભગ ચારસો ગામોમાં બે હજાર જેટલા યુવાનોએ આરાધના કરાવી છે. બીજાને પમાડવા જતાં સ્વયં ધર્મ પામી ગયા છે.
આવા તો બહુ અર્વાચીન પ્રસંગો છે જેમાં આપણને નેત્રદીપક ધર્મચુસ્તતાના ચમકારાઓ ધરાઈ ધરાઈને, આનંદથી ઊછળી ઊછળીને જોવા મળે.
૧૦૩ : હાર્દિક અનુમોદનીય ૧૮ પ્રસંગો
||||||||||
[પ. પૂ. પંન્યાસપ્રવરશ્રી ચંદ્રશેખરવિજયજી મ. સા. દ્વારા લિખિત “મુનિજીવનની બાળપોથી"માંથી સાભાર ઉદ્ભુત. ]
(૧)
એક ભાઈએ ધર્મપત્નીની પ્રેરણાથી સ્વદ્રવ્યે જિનાલયનું નિર્માણ કર્યું છે, જેમાં લગભગ ત્રીસ લાખ રૂ. નો વ્યય થઈ ચૂક્યો છે, હજી કામ ચાલુ છે, પોતાના ભંડારની આવક તેઓ બહાર આપે છે, પણ પોતાના આ જિનાલયમાં વાપરતા નથી.
(૨)
થોડા વર્ષ પૂર્વે મુંબઈમાં એક મકાનનો પાછલો ભાગ એકાએક તૂટી પડ્યો, તે મકાનમાં એક જૈન ભાઈ તે વખતે સામાયિક કરતા હતા, પારવાને બે જ મિનિટની વાર હતી ત્યારે સંડાસ જવાની તીવ્ર શંકા થઈ પણ વહેલું સામાયિક નહિ પાળવાના દૃઢ સંકલ્પથી તેમણે બે મિનિટ સામાયિકમાં જ પસાર કરી, અને... તે જ બે મિનિટમાં તે મકાનનો પાછલો ભાગ-જેમાં સંડાસ હતું તે તૂટી પડ્યો. પેલા ભાઈ આબાદ ઉગરી ગયા ! તેમની વ્રતપાલનની નિષ્ઠાનું હાર્દિક અનુમોદન (કવો સાક્ષાત્ જોવા મળે છે ધર્મનો પ્રભાવ !)
બહુરત્ના વસુંધરા-ભાગ બીજો ૨૨૩
