________________
‘ચોથા આરાના સાધ્વી’ તરીકેની સુંદર છાપવાળા, આત્મકલક્ષી એ સાધ્વીરત્નના ૫૦ વરસના સુદીર્ઘ નિર્મળ સંયમપર્યાયને લોકો આજે માનભેર ઝૂકી પડે છે. ધન્ય સાધ્વીજી ! ધન્ય શ્રી જિનશાસન !
૧૧૩: સળંગ ૧૮૦ ઉપવાસના મહાતપસ્વી અ.સૌ. વિમલાબાઈ વીરચંદ પારેખ
જૈન શાસનમાં તપશ્ચર્યાનું અદ્ભુત સ્થાન છે. જન્મ જન્માંતરોના કર્મોને કાપનાર અગર કોઈ હોય તો તે તપ છે. તપના પ્રભાવથી જ અર્જુનમાલી તથા દઢ પ્રહારી જેવા ઘોર પાપી પણ કૈવલ્ય અને મુક્તિને પામ્યા છે. પામર આત્માને પરમાત્મા બનાવનાર તપધર્મ આજે પણ જયવંત છે.
અકબર બાદશાહના સમયમાં ચંપાશ્રાવિકાએ સળંગ ૧૮૦ ઉપવાસ કરેલ તેવી જ રીતે વર્તમાનકાળમાં, મૂળ લોદી (રાજસ્થાન) ના પરંતુ હાલ મદ્રાસમાં રહેતા અ.સૌ. શ્રીમતી વિમલાબાઈ વીરચંદ પારેખે ૧૮૦ ઉપવાસની ઉગ્ર તપશ્ચર્યા શ્રીદેવ-ગુરુની અસીમ કૃપાથી ખૂબ જ શાતાપૂર્વક પરિપૂર્ણ કરી છે. ૧૦૦ ઉપવાસ પછી દિવસમાં ફકત એક જ વાર ઉકાળેલું પાણી વાપરતા. તેમનું પારણું માગસર સુદિ ૧૪ તા. ૨૭-૧૨-૯૩ સોમવારના અધ્યાત્મયોગી પ.પૂ. આ.ભ. શ્રીમદ્વિજય કલાપૂર્ણ-સૂરીશ્વરજી મ.સા. ની તારક નિશ્રામાં ફકત ૧ દાણાના આયંબિલથી જ થયેલ ! -...આ તપશ્ચર્યા પણ તેઓશ્રીની જ પવિત્ર નિશ્રામાં થયેલ.
આનાથી અગાઉ વિમલાબાઈએ નીચે મુજબ તપશ્ચર્યાથી જીવનને ધન્ય બનાવ્યું છે.
સળંગ ૯,૧૧,૧૫,૧૭ ઉપવાસ, બે વાર ૧૬ ઉપવાસ, ૬૮ ઉપવાસ, ૧૫ ચોવિહાર ઉપવાસ, સિદ્ધિતપ (દરેક પારણામાં બ્યાસણાના બદલે ૧ દાણાથી આયંબિલ), ઉપવાસના પારણે આયંબિલથી વર્ષીતપ (આ વર્ષીતપના અંતમાં માસક્ષમણ કરી તેનું પારણું ૧ દાણાના આયંબિલથી કરેલ.), વર્ધમાન તપની ૩૪ ઓળી, એક જ ધાન્યથી નવપદજીની ૧૧ ઓળી, ૧ જ દાણાના આયંબિલથી નવપદજીની ૭ ઓળી, તથા સળંગ ૩૧, ૫૧, ૧૨૦ આયંબિલ ઈત્યાદિ.
ખરેખર, આવા તપસ્વી ધર્માત્માઓની આરાધનાની જેટલી અનુમોદના કરીએ તેટલી ઓછી છે.
મહાતપસ્વીની વિમલાબાઈ પારેખને તપશ્ચર્યા કરવામાં અંતરાય ન નાખતાં સહાયક બનનાર સમસ્ત પારેખ પરિવાર પણ ખૂબ ખૂબ ધન્યવાદને
બહુરત્ના વસુંધરા-ભાગ બીજો ૨૬૩
