________________
આપવામાં પણ તેઓ માનતા નથી. માતૃભાષા અને અંગ્રેજીની કેળવણી છે તેઓ સંભાષણ અને સંવાદો દ્વારા આપે છે.
વિજ્ઞાન તો બાળકને પ્રયોગશાળામાં જ શીખવવું જોઈએ, એમ તેઓ માને છે. ગણિતનો પાયો અંકગણિત હોવો જોઈએ. કેક્યુલેટર કે કોમ્યુટર | વિના બાળક વ્યાજ ગણી શકે અને નફાતોટાના દાખલા ગણી શકે તેના સિવાય ગણિતનું શિક્ષણ તેઓ અધુરું માને છે. ઈતિહાસનું શિક્ષણ પ્રેરણાત્મક કથાઓના રૂપમાં હોવું જોઈએ અને પર્યટન તેમ જ પ્રવાસ દ્વારા ભૂગોળ શીખવવામાં તેઓ માને છે.
કિરણભાઈની શાળામાં ભણતું બાળક એસ.એસ.સી.માં પહોંચે ત્યાં સુધી તેને ૩૦૦ જેટલા સંસ્કૃત શ્લોક હસતાં રમતાં કંઠસ્થ થઈ ગયા હશે. ગુજરાતી, અંગ્રેજી અને હિન્દી ભાષામાં ૫૦૦ થી વધુ વાત ગીત અને કવિતા તેને આવડતા હશે. તેનું ભાષાભંડોળ અત્યંત સમૃદ્ધ હશે, અને પોતાની આજીવિકા રળી શકે તેવો હુન્નર પણ તેને આવડતો હશે. કિરણભાઈની આ સમાંતર પણ વધુ તેજસ્વી શાળા જોઈને મારા તમારા જેવા અનેકને થાય કે આપણે પણ બાળકને આ પ્રકારે શિક્ષણ આપી શકીએ તો કેવું સારું. પરંતુ કિરણભાઈ જેવો ભોગ પોતાનાં બાળકો માટે આપવાનું બધાં માબાપો માટે શક્ય નથી હોતું. કદાચ સમય આપવાની તૈયારી હોય તો પણ તેવી આવડત નથી હોતી. એટલે દક્ષિણ મુંબઈના કેટલાક વાલીઓએ ભેગા મળીને કિરણભાઈને વિનંતી કરી કે તમે અમારાં બાળકને પણ તમારી શાળામાં ભરતી કરો. પોતાનાં બાળકને સ્કૂલમાંથી ઉઠાડી લઈ આ રીતે અભ્યાસ કરાવવા દસેક શ્રીમંત અને શિક્ષિત વાલીઓ તૈયાર થઈ ગયા છે. આ બાળકોને છ વર્ષમાં ધોરણ પાંચથી લઈ દસમા સુધીનું શિક્ષણ મૌલિક પદ્ધતિએ આપવામાં આવશે. આ શાળા ત્રણ જ કલાક ચાલશે. પછી કોઈ હોમવર્ક નહિ, ટ્યૂશન નહિ, કોચિંગ ક્લાસ નહિ અને પરીક્ષા પણ નહિ. ફાજલ સમયમાં બાળકની પ્રતિભાના વિકાસ માટે કઈ કળા તેને શીખવવી તેનું માર્ગદર્શન પણ આપવામાં આવશે. છ વર્ષે બાળક એસ.એસ.સી પાસ થઈ જશે, અને વિવિધ કળાઓમાં પણ પારંગત થઈ જશે. પહેલા બેચમાં કુલ ૧૫ વિદ્યાર્થીથી શરૂઆત કરવામાં આવશે. તમે પણ તમારા બાળકને આ. પ્રકારે ભણાવવાની ઇચ્છા ધરાવતા હો તો ૩૮૬ ૮૨ ૧૬ નંબર ઉપર કિરણભાઈ શુક્લનો સંપર્ક સાધી શકો છો. ક્રાંતિનો પ્રારંભ આવા નાનકડા પ્રયોગથી જ થતો હોય છે. કિરણભાઈના પ્રયાસમાં શૈક્ષણિક ક્રાંતિનું બીજ દષ્ટિગોચર થાય છે.
(“મિડ ડે” તા. ૧૦૫-૯૬ માંથી સાભાર) બહુરના વસુંધરા-ભાગ બીજા ૧૮૪)
wwwwwwwwwwNNNNN
E
