________________
ઈ.સ. ૧૯૮૪ માં પૂ. આ.શ્રી ભક્તિસૂરિસમુદાયના પૂ.પં. શ્રી શાંતિ ચંદ્રવિજયજી મ.સા.ના સત્સંગથી ધર્મ તરફ વળેલા અનિલભાઈએ પાંચ પ્રતિક્રમણ સૂત્રો કંઠસ્થ કર્યા બાદ અચલગચ્છીય મુનિરાજશ્રી ઉદયરત્ન સાગરજી પાસે ચાર પ્રકરણ (સાથ) નો અભ્યાસ પણ કર્યો છે. રોજ ૨ ટાઈમ પ્રતિક્રમણ અચૂક કરે છે. અનિલભાઈને ઓળખનાર યુવાનો તેમને અર્વાચીન મીની પુણિયા શ્રાવક તરીકે જ ઓળખાવે છે !....
ધન પ્રાપ્તિને જ જીવનનું મુખ્ય ધ્યેય માનીને ધર્મની તદ્દન ઉપેક્ષા કરનાર આત્માઓ અનિલભાઈના દૃષ્ટાંતમાંથી કંઈક પ્રેરણા લે તો કેવું સારું !.....
સરનામું :- અનિલભાઈ ડુંગરશી શાહ ૨૫/૨ નવીન નગર, ચેપલ લેન, સાંતાક્રૂઝ (વેસ્ટ) મુંબઈ ૪૦૦૦૫૪, ફોન ઃ ૬૧૨૬૩૮૮ દુકાને.
૯૯ : ભેંસને બચાવવા માટે, જીવદયાપ્રેમી અશોકભાઈનું અદ્ભુત પરાક્રમ
"
પૂના (મહારાષ્ટ્ર) માં ગોડીજી પાર્શ્વનાથ જિનાલયની સામેની ગલીમાં એક સુશ્રાવક રહે છે. “અશોકભાઈ જીવદયાવાળા ” તરીકે એમને સહુ કોઈ ઓળખે. તેમના ધર્મપત્ની તથા બે સુપુત્રોએ દીક્ષા અંગીકાર કરેલ છે. પ.પૂ આચાર્ય ભગવંતશ્રી દોલતસાગરસૂરીશ્વરજી મ.સા. ના શિષ્ય મુનિરાજશ્રી હર્ષસાગરજી મ.ના શિષ્ય મુનિશ્રી વિરાગસાગરજી તથા મુનિશ્રી વિનીતસાગરજી તરીકે તેઓ સુંદર સંયમની આરાધના કરી રહ્યા છે. સર્વ જીવોને અભયદાન આપનાર સર્વવિરતિ ધર્મ (સાધુપણા)નો સ્વીકાર કરવા માટે અસમર્થ એવા અશોકભાઈ જીવદયાના અનેકવિધ કાર્યો ખૂબ જ ઉલ્લાસભેર કરતા રહ્યા છે. એક જ પ્રસંગ ઉપરથી તેમની જીવદયારૂચિનો આપણને ખ્યાલ આવશે.
એક વખત કસાઈઓ પાસેથી જીવ બચાવવા માટે ત્રણ ભેંસો ભાગી છૂટી-તેમાંથી બે ભેંસો તો ટ્રેઈનની હડફેટમાંથી આવી જતાં મરી ગઈ. પરંતુ ત્રીજી ભેંસ રેલ્વેના પાટા પાસેના એક ઊંડા અને સાંકડા ખાડામાં ફસાઈ ગઈ. કોઈ રીતે બહાર નીકળી શકે તેમ ન હતી. કેટલાક લોકોનું ધ્યાન એના તરફ જતાં કોઈકે મ્યુનિસીપાલિટીના અધિકારીને ફોનથી આ ઘટનાની જાણ કરી પરંતુ ગમે તે કારણે આ ભેંસને બચાવવા માટે ૨ દિવસ સુધી તો કોઈજ
બહુરત્ના વસુંધરા-ભાગ બીજો = ૨૧૨
E
