________________
અમરચંદભાઈ આજથી ૨૦ વર્ષ પહેલાં લગભગ ૬૫ વર્ષની ઉંમરે સ્વર્ગવાસ પામ્યા છે. પરંતુ તેમના સુપુત્ર ધરમચંદજી આજે હયાત છે તેમજ એક સુપુત્રીએ ખરતરગચ્છમાં દીક્ષા લીધી છે જેઓ આજે સા.શ્રી નિર્મળાશ્રીજી તરીકે સુંદર સંયમ પાળી રહ્યા છે.
ધરમચંદજીનું સરનામું નીચે મુજબ છે
સૌથલી વાલોંકા રાસ્તા, જૌહરી બાજાર, જયપુર રાજ.
આ દષ્ટાંત ઉપરોક્ત સા.શ્રી વિચક્ષણાશ્રીજીના શિષ્યા સા.શ્રી સુરેખાશ્રીજી પાસેથી જાણવા મળ્યું છે કે જેમણે “સમ્યગ્દર્શન” વિષય ઉપર પી. એચ. ડી કર્યું છે અને હાલ “પંચપરમેષ્ઠી અને જૈન દર્શનમાં પરમાત્મા” વિષય પર ડી.લીટ. કરી રહ્યા છે !
૧૦૧ : આ છે આજના કાળના આરાધકો
(૧) નડિયાદના સુશ્રાવક મનુભાઈ સુતરિયાના દાદા દર પૂનમે નડિયાદથી માતરની યાત્રા કરવા જાય એ વખતે માસમાં એક જ વાર પોતાના ગાડા માટે બળદોની સેવા લે, બાકીના દિવસોમાં પશુઓને ફક્ત ખવરાવવાનું
જ.
(૨) પોતાના ઘેર ગુરુજીના પધરામણા થયા એની ખુશાલીમાં ચાળીશ વર્ષના એ સુખી યુવાને સોડે યાવજ્જીવ સંપૂર્ણ ચતુર્થવ્રત સ્વીકારી લીધું.
એમણે ગુરુજીની યાદમાં જ ઘરમંદિર બંધાવ્યું અને ગુરુપ્રતિમા સ્થાપન કરાવી.
એ છે અમદાવાદના લાવણ્ય સોસાયટીના સુશ્રાવક રોહિતભાઈ શાહ સુશ્રાવિકા જ્યોત્સ્નાબેન શાહ
(૩) સૌરાષ્ટ્રના સરકારી ગેઝેટેડ કક્ષાના અધિકારીના એક પત્ની પોતાના પતિને કહે, ‘તમારી પોસ્ટ ખૂબ જ મહત્ત્વની છે, તમો ધારો તો લાંચના ખૂબ પૈસા કમાઈ શકો છો પણ હું તમને ખાસ જણાવું છું કે તમો આપણા ઘરમાં એક રાતી પાઈ પણ હરામની ન લાવતા- મારે હીરાની બંગડી નથી પહેરવી. ન્યાયનું ધન એ જ સાચા હીરા છે.'
બહુરત્ના વસુંધરા-ભાગ બીજો – ૨૧૫
