________________
પોતાના ખર્ચે દવાખાનું ચલાવે છે અને દર્દીઓને ફ્રી દવા આપે છે !... પોતાના પિતાશ્રીના નામે ટ્રસ્ટ સ્થાપેલ છે. તેમાં ૯૫ ટકા પોતાનું દાન આપીને એક અદ્યતન ઉપાશ્રય બનાવીને ટ્રસ્ટને ભેટ આપેલ છે અને પૂજ્યોના ચાતુર્માસ પણ સારી રીતે કરાવે છે.
તેઓ જામનગરમાં રણજીતનગર સ્થાનકવાસી જૈન સંઘના-પ્રમુખ છે. ૮૦ વર્ષની વયે પણ યુવાન જેવી સ્ફૂર્તિથી સંઘની સેવા કરી રહ્યા છે !
૯૧ : અતુલભાઈ વી. શાહ (ઉ. વ. ૪૧)
મૂળ સુરેન્દ્રનગરના પરંતુ હાલ મુંબઈ - કાંદીવલીમાં રહેતા યુવા શ્રાવક અતુલભાઈના અંતરમાં પ્રભુભક્તિ અને જીવદયાનો પ્રેમ અજોડ કોટિનો છે.
તેઓ વર્ધમાન શક્રસ્તવના અજોડ આરાધક અને પ્રચારક બાલ બ્રહ્મચારી સુશ્રાવક શ્રી ચીનુભાઈ શાહની પ્રેરણાથી વર્ધમાનશક્રસ્તવની નિયમિત આરાધના કરી રહ્યા છે અને અનેક આત્માઓને તેની આરાધનામાં જોડી રહ્યા છે.
તેમના ઘરે ગૃહ જિનાલય પણ છે. રોજ અષ્ટપ્રકારી જિનપૂજા વિશિષ્ટ રીતે કર્યા બાદ જ તેઓ ભોજન ગ્રહણ કરે છે.
નવકાર મહામંત્રની વિશિષ્ટ સાધના કરે છે. પંચ નમસ્કાર ચક્ર મહાપૂજન સારી રીતે ભણાવે છે. તથા નવકાર મહામંત્ર વિષે મનનીય વક્તવ્યો પણ આપે છે.
જીવદયાના વિશિષ્ટ કાર્યો કરનાર “વિનિયોગ પરિવાર”ના તેઓ ટ્રસ્ટી છે.
મુંબઈમાં ૪ વર્ષ પહેલાં મ્યુનિસિપાલિટીએ 500 કતલખાનાઓને લાયસન્સ આપેલ ત્યારે અતુલભાઈએ અરવિંદભાઈ પારેખ તથા અનિલભાઈ વિગેરેની સાથે રહીને રાત-દિવસ ઝઝુમીને લાયસન્સ બંધ કરાવેલ !...
એવી જ રીતે મુંબઈમાં મ્યુનિસિપાલિટી રોજ ૪૦૦ કૂતરાઓને પકડીને રીબાવી રીબાવીને મારતી હતી તેની સામે પણ પ્રયત્નો કરીને બંધ કરાવેલ.
ગેરકાયદેસર રીતે ઢોરોની કતલને અટકાવવા માટે, તથા નવા કતલખાનાઓને બનતા અટકાવવા માટે સરકાર સામે કેસો કરવા માટે પોતાના ધંધાને ગૌણ કરીને શાસનના કાર્યોમાં ઓતપ્રોત રહે છે,
બહુરત્ના વસુંધરા-ભાગ બીજો = ૨૦૫
