________________
પ્રસિધ્ધ પ્રવચનકાર પ.પૂ. આ. ભ. શ્રી યશોવર્મસૂરીશ્વરજી મ.સા. યાત્રાર્થે ત્યાં પધાર્યા. તેમને લાગ્યું કે કોઈ મજૂર જીર્ણોધ્ધારનું કાર્ય પેઢીના ઓર્ડરથી કરતો હશે. પરંતુ પાછળથી તેમને ખબર પડી કે આ તો કચ્છી ૯૯ યાત્રિક તથા નરેડી સંઘના પ્રમુખ છે. ત્યારે તેમના હૃદય તેમજ મુખમાંથી ખૂબજ અનુમોદનાના શબ્દો સરી પડયા હતા.
ખરેખર, આવા નિષ્ઠાવાન, નિઃસ્પૃહ, સેવાભાવી કાર્યકર્તાઓ પ્રાપ્ત થાય તો દરેક સંઘ તેમજ સંસ્થાઓના દેદાર પલટાઈ જાય.
સરનામું : મુ. પો. નરેડી
તા. માંડવી - કચ્છ. પીન ૩૭૦૦૩૦
૩૩ : દૃઢધર્મી કચ્છી દંપતિ અ.સૌ. ધનવંતીબેન દેવચંદ તથા દેવચંદભાઈ રતનશી
કચ્છ-દેવપુર ગામના આદર્શ શ્રાવક દંપતિ અ. સૌ. ધનવંતીબેન દેવચંદ, તથા દેવચંદભાઈ રતનશી (ઉં.વ. ૪૬)નું જીવન ખરેખર ખૂબ જ અનુમોદનીય છે. પ્રારબ્ધાનુસારે કુળ પરંપરાથી ખેતીનો વ્યવસાય સંભાળતા આ દંપતિ રોજ જિનપૂજા કર્યા સિવાય મોઢામાં અન્ન-પાણી કશું જ નાખતા નથી. લગભગ ૧૫ વર્ષની ઉંમરથી નવકારથી-ચોવિહાર કરે છે. બંને જણા ઉભય ટંક નિયમિત પ્રતિક્રમણ કરે જ. ક્યારેક ખેતરેથી આવતાં મોડું થાય તો પણ રાત્રે પ્રતિક્રમણ કર્યા પછી જ સૂએ. ક્યારેક સવારના વહેલા જવાનું હોય તો ૪ વાગ્યે ઊઠીને પણ બંને જણા પ્રતિક્રમણ કર્યા પછી જ જાય.
ક્યારેક રાતના વાડીમાં રહેવાનું થાય અને દિવસે ગામમાં આવવામાં મોડું થાય તો પણ બપોરે ૧૨ વાગ્યે પૂજા કર્યા પછી જ જમે. ગત વર્ષે વર્ષીતપ સોડે પૂર્ણ કર્યું. તેમાં પણ ક્યારેક વાડીએથી આવવામાં મોડું થાય તો પણ પૂજા કર્યા પછી જ પારણું કરે.
બંને જણાએ પંચપ્રતિક્રમણ વિગેરે કંઠસ્થ કરી લીધા છે. દેવચંદભાઈએ કચ્છ-મેરાઉ વિદ્યાપીઠમાં અભ્યાસ કરેલ છે. તેના સંસ્કારને લીધે રોજ મા-બાપને અચૂક પગે લાગે છે.
સિનેમા- નાટક તથા કંદમૂળ ત્યાગની યાવજજીવની પ્રતિજ્ઞા લીધેલી
છે.
ખેતીના વ્યવસાયમાં પણ કોઈ પણ પ્રકારની અનીતિ ન કરવાનો દૃઢ
બહુરત્ના વસુંધરા-ભાગ બીજો – ૧૧૪
W
સંકલ્પ છે.
