________________
તેઓ અડગ રહ્યા હતા. ત્યારે ત્યાંના અધિષ્ઠાયક શ્રીભોમિયાજી દેવે તેમને દર્શન આપ્યા હતા. તેમની પ્રેરણાથી જ તેમણે આ પદયાત્રાનો પ્રારંભ કર્યો છે. નવકાર મહામંત્ર દ્વારા તેણે મધ્યપ્રદેશમાં હટા તથા મંડાવર નામના ગામોમાં તથા અહારજી જૈન સિદ્ધક્ષેત્રમાં અનેક લોકોને ભૂત-પ્રેતના વળગાડથી તથા પથરી, લક્વા વિગેરે રોગોથી મુક્ત કર્યા છે.
ગુજરાતમાં વડોદરામાં એક બાળકને કેન્સર થયેલ તે તેમણે નવકાર દ્વારા મટાડેલ છે. પ્રાંતીજમાં એક વ્યક્તિને વીંછી કરડેલ. તેનું ઝેર પણ નવકારમંત્ર દ્વારા ઊતારી દીધું, પંચમહાલ જિલ્લાના ગોધરા ગામમાં ૮ મુસલમાનોને પ્રતિજ્ઞા પૂર્વક માંસાહાર છોડાવ્યો છે. નવકાર મહામંત્રનું સ્મરણ કરી તેઓ ભોમિયાજી દેવની સ્તુતિ રૂપે એક સંસ્કૃત શ્લોક બોલે કે તરત જ તેમના શરીરમાં ભોમિયાજી દેવનો પ્રવેશ થાય છે જે આપણે તેમની વિવિધ ચેષ્ટાઓ દ્વારા તરત સમજી શકીએ છીએ. પછી જે પણ પ્રશ્નો પૂછીએ તેના જવાબો ભોમિયાજી દેવ પોતાના અવધિજ્ઞાનની મર્યાદા મુજબ આપે છે. તે અમે પ્રત્યક્ષ જોયું.
રામદયાલભાઈના પરિવારમાં તેમના ધર્મપત્ની ઉર્મિલાબેન સ્કૂલમાં શિક્ષિકા તરીકે કામ કરે છે. ૩ પુત્રી તથા ૧ પુત્ર મળી ૪ સંતાનો છે. વ્યવસાયે કાપડના વેપારી છે. તથા ૩ ભાઈઓ વચ્ચે ૧૮૦ વીઘા જમીન ધરાવે છે. પોતે મેલેરીયા વિભાગમાં ૧૬ વર્ષ ઈન્સ્પેકટર તરીકે કામ કર્યા બાદ રાજીનામું આપી દીધું.
તેમણે પદયાત્રાનો સંકલ્પ જાહેર કર્યો ત્યારે શરૂઆતમાં તેમના ધર્મપત્નીએ વિરોધ કર્યો પરંતુ સમજાવટ બાદ તેઓ માની ગયા હતા.
તેમની પદયાત્રાનો અંતિમ તબક્કે કાશ્મીરમાં પૂરો થશે. કાશ્મીરમાં શાંતિ સ્થપાય તેવી સદ્ભાવના સાથે પદયાત્રા કરતાં કદાચ કાશ્મીરની ધરતી પર તેમનું ખૂન પણ થઈ જાય તો એને તેઓ પોતાનું સદ્ભાગ્ય માને
છે.
બિહારમાં ચારેક બદમાસોએ તેમને છરી બતાવીને ૬૫૦ રૂ।. લૂંટી લીધા તથા મધ્યપ્રદેશના આદિવાસી વિસ્તારમાં માર પણ ખાવો પડયો છતાં તેઓ પોતાના નિર્ણયમાં મક્કમતાપૂર્વક આગળ ધપી રહ્યા છે. ઈ.સ. ૧૯૯૭માં પદયાત્રા પૂર્ણ થયા બાદ તેઓ પોતાના વતન ભરતપુરમાં પાછા ફરશે અને પોતાના ખેતરના મકાનમાં રહી વાનપ્રસ્થાશ્રમી તરીકે જીવન જીવવા માગે છે. તેમનું સરનામું નીચે મુજબ છે.
ઈન્દ્ર કોલોની, બસ સ્ટેન્ડ પાસે, મુ. પો. જિ. ભરતપુર (રાજસ્થાન).
બહુરત્ના વસુંધરા-ભાગ બીજો = ૧૫૦
