________________
૬૧: રાજા ઋષભ દ્વારા પ્રવર્તાવાયેલ આર્યસંસ્કૃતિની
પ્રણાલિકા અને મર્યાદાનુસાર થયેલ કેટલાક શાસન પ્રભાવક સત્કાર્યોની હાર્દિક અનુમોદના
કહેવાતી લોકશાહીના આ જમાનામાં આજે જ્યારે આધુનિક શિક્ષણ, વિજ્ઞાનવાદ અને યંત્રવાદના પરિણામે ચોમેર નાસ્તિતા, ભૌતિકતા અને ? હિંસાએ માઝા મૂકી દીધી છે. ગરીબી, બેકારી અને મોંઘવારીના વિષચક્રમાં આર્ય મહાપ્રજા વધુને વધુ ભીંસાતી જાય છે. ચારે બાજુ અશાંતિ, અનારોગ્ય અને અંધાધૂંધીએ કાળો કેર પ્રવર્તાવ્યો છે. ત્યારે એ બધાયના મૂળ કારણ તરીકે પ્રથમ તીર્થંકર શ્રી આદિનાથ (2ષભદેવ) ભગવાને રાજ્યાવસ્થામાં પ્રવર્તાવેલ ઉત્તમ વ્યવહારોથી તદ્દન વિપરીત એવી આધુનિક જીવન પદ્ધતિ અને એના પ્રવર્તક બ્રિટીશરો છે
આ વાતને દીર્ઘદ્રષ્ટા, આર્યસંસ્કૃતિપ્રેમી, સૂક્ષ્મ તત્ત્વચિંતક શ્રાદ્ધરત્ન સ્વ. પંડિત શ્રી પ્રભુદાસભાઈ બેચરદાસ પારેખે પોતાની પ્રચંડ મેધા, નિર્મળ બુદ્ધિ અને દીર્ઘદ્રષ્ટિથી જાણી અને તે તે ભયસ્થાનોથી પ્રજાને તથા ધર્મગુરુઓ વિગેરેને વાકેફ કરવા માટે તેમણે લગભગ દોઢ લાખ પાના જેટલું સાહિત્ય લખ્યું છે. જેમાનું કેટલુંક સાહિત્ય “હિતમિત પથ્ય સત્ય” માસિકની ફાઈલો તથા પંચપ્રતિક્રમણ સૂત્ર - તત્ત્વાર્થસૂત્ર આદિના વિવેચનો વિગેરે રૂપે પ્રકાશિત થયેલ છે. - આ સાહિત્ય દ્વારા ઘણાને નવી જીવન દ્રષ્ટિ લાધી છે. અને યથાશક્તિ તે મુજબ જીવન જીવવા માટે પુરુષાર્થ પણ કર્યો છે. પરંતુ વર્તમાનકાળમાં આ સાહિત્યના ચિંતન મનનની સહુથી વધુ વિધાયક અસર જો કોઈના જીવનમાં થઈ હોય તો તે છે એક કોટ્યાધિપતિ, ગર્ભશ્રીમંત, હીરાના વેપારી વડગામ (પાલનપુર પાસે)ના સુશ્રાવક શ્રી દલપતભાઈ અને રતિ સુશ્રાવિકા શ્રી શાંતાબેનના ઘરે આજથી ૩૫ વર્ષ પહેલાં જન્મેલ અતુલકુમાર (B.Com.) કે જેમણે આજથી ૬ વર્ષ પહેલાં અમદાવાદમાં સરદાર સ્ટેડિયમમાં લાખથી અધિક જનમેદનીની હાજરીમાં સુવિશાલગચ્છાધિપતિ, વ્યાખ્યાનવાચસ્પતિ, પરમ શાસનપ્રભાવક, પ.પૂ. આચાર્ય ભગવંત શ્રી વિજય રામચંદ્ર સૂરીશ્વરજી મ.સા. ના વરદ હસ્તે સંયમ સ્વીકારી ગુરપ્રદત્ત મુનિશ્રી હિતરુચિવિજયજી એવું યથાર્થ નામ ધારણ કરેલ છે! - તેમના જીવનને તથા એ ઐતિહાસિક દિક્ષા પ્રસંગને સારી રીતે જાણવા માટે તો એ દિક્ષા બાદ થોડા મહિનામાં જ “કલ્યાણ” માસિક દ્વારા
આ બહુરત્ના વસુંધરા-ભાગ બીજે. ૧૭૨ NN
