________________
ધાર્મિક શિક્ષણના જ્ઞાન દ્વારા પોતાના આત્માને અતિ ભાવિત કરી રહેલા કુમારપાળના જીવનમાં એક વાવાઝોડું આવ્યું અને ટર્નિંગ પોઈન્ટ લાવ્યું.
બન્યું એવું કે- માઉન્ટ આબૂના એ ઊંચા શિખર અચલગઢમાં વરસાદ સાથે ભયંકર પવન ફૂંકાયો. એ વિનાશક વાવાઝોડામાં શિબિરના ટેન્ટ ઉડી ગયા, તો સાધુની પાણી ઠારવાની પરાતો પણ ઉડી. મકાનના નળિયા ઉડયા તો વિશાળકાય વૃક્ષો પણ ઉખડયા.
આવા વખતે ૧૭ વર્ષના નયયુવાને એક પવિત્ર સંકલ્પ કર્યોઃ ‘જો આ વાવાઝોડું શાંત થાય તો મારે આજીવન બ્રહ્મચર્ય વ્રત લેવું.'
અને આશ્વર્ય થયું. ડરામણું ને બિહામણું ભયંકર વાવાઝોડું ક્ષણવારમાં શાંત થઈ ગયું. અને કુમારપાળે શિબિર જ્ઞાનદાતા, ગુરુદેવ પૂ.આ. શ્રી વિજ્યભુવનભાનુસૂરીશ્વરજી મ.ને પોતાના શુભ સંકલ્પની વાત કહી. પૂજ્ય ગુરુદેવશ્રી અપાર ખુશ થયા અને આશીર્વાદના ધોધ વહાવવા પૂર્વક પોતાના આ લાડલા શિબિર શિષ્યને આજીવન બ્રહ્મચર્યવ્રત ઉચ્ચરાવ્યું. સર્વત્ર આનંદની લહેરો ઉછળી.
પછી તો ‘મારે ચારિત્ર ન લેવાય ત્યાં સુધી મૂળથી ઘી ત્યાગ' ની કુમારપાળે પ્રતિજ્ઞાકરી.
કુમારપાળની ભીષ્મ પ્રતિજ્ઞા અને ભવ્ય સંકલ્પે જૈનશાસનમાં એક ઇતિહાસ સર્જ્યો. તેમાં ગુરુ કૃપાબળે ચાર ચાંદ લગાવ્યા. અનેક શાસનપ્રભાવક કાર્યો થયાં.
જે શાસનપ્રભાવક કાર્યો કુમારપાળભાઈએ શોભાવ્યા છે. તેની થોડી ઝલક... આપણે અનુમોદના કરી શકીએ, પ્રેરણા લઈ શકીએ, ધન્યતા અનુભવીએ તે માટે અહીં આલેખ્યા છે.
૦ ૧૯૭૦માં ભારત-પાકીસ્તાનના યુદ્ધ વખતે. બંગલાદેશથી ભારતમાં આવેલા લાખો બંગાળી મુસલમાન શરણાર્થીઓની અનાજ, આહાર, દવા, વસ્ત્રો આદિ દ્વારા ભવ્ય માનવ સેવા કરી.
૦ આંધ્રપ્રદેશમાં આવેલ ભયંકર દરિયાઈ વાવાઝોડામાં લાખો રૂપિયા ખર્ચી રાહત કાર્યો મોટી કુનેહપૂર્વક પાર પાડયા હતા.
૦ ૧૯૮૪માં મોરબી (સૌરાષ્ટ્ર) ગામમાં પાસેનો મચ્છુડેમ તૂટતાં જીવલેણ ભયંકર પૂર આવ્યું. પાણીના પૂરના પ્રકોપમાં હજારો માણસો ને જીવો ફસાયા... ત્યારે આ દયાળુ કુમારપાળભાઈ પોતાની મિત્રમંડળી સહિત ત્યાં પહોંચીને અન્ન, વસ્ત્ર, ઔષધિ આદિની અનેકવિધ સહાયતા
બહુરત્ના વસુંધરા-ભાગ બીજો ૧૫૫
E
