________________
પુષ્પાબેનને પણ પદ્માવતી- માતાના દર્શન થયા હતા !
એકવાર રસોયણબાઈ તરીકે તેમજ બીજીવાર કામવાળી બાઈ તરીકે પણ પદ્માવતી માતાએ તેમને દર્શન આપ્યા હતા !...
બે વર્ષ અગાઉ કાંતિલાલભાઈને કુંડલિની જાગરણનો એક વિશિષ્ટ અનુભવ થયેલ. નાભિચક્રમાં ઢમ...ઢમ્...મ્... એ રીતે જોરથી ઢોલકનાદ થવા સાથે આખું શરીર ઉછળવા લાગ્યું. ત્યારબાદ હૃદયચક્ર (અનાહત ચક્ર)માં હું..........એ જાતનો અનાહત નાદ શરૂ થઈ ગયો જે આજે પણ ચાલુ છે પરંતુ કાંતિલાલભાઈ એ તરફ લક્ષ ન આપતાં શ્રી વીતરાગ પ્રભુના ધ્યાનમાં જ લીન રહે છે !...
તેમને ત્રીજા ભવે મહાવિદેહક્ષેત્રમાંથી મોક્ષનો પણ વિશિષ્ટ સંકેત પ્રાપ્ત થયેલ છે !!!... ભૂમિપરીક્ષા વિગેરે કેટલીક વિશિષ્ટ શક્તિઓ પણ સાધનાના પ્રભાવે આડપેદાશ રૂપે પ્રાપ્ત થયેલ છે. તેનો ઉપયોગ મુખ્યત્વે તેઓ શાસનના કાર્યોમાં જ કરે છે.
કાંતિલાલભાઈની પ્રત્યક્ષ મુલાકાત સુરેન્દ્રનગરમાં ૨ વર્ષ અગાઉ થયેલ. ફરી તા. ૨૯/૪/૯૭ના રોજ શંખેશ્વર તીર્થમાં તેમની મુલાકાત થતાં પ્રશ્નોત્તરી દ્વારા જાણેલી વિગત અત્રે રજુ કરી છે. તેમાંથી પ્રેરણા મેળવીને આત્મસાધનાના લક્ષ્યપૂર્વક ગુરુગમ દ્વારા વીતરાગપ્રભુનું ધ્યાન, નવકાર મહામંત્રાદિનો સાત્ત્વિક જાપ તેમજ વિશિષ્ટ સ્તોત્રપાઠ દ્વારા પ્રભુભક્તિના માર્ગે અખંડિતપણે ઉત્સાહપૂર્વક આગળ વધીને સહુ શીઘ્ર સમ્યગ્દર્શનાદિ આત્મિક ગુણોને પ્રાપ્ત કરી મુક્તિના અધિકારી બને એ જ શુભાભિલાષા. દુન્યવી સુખ - દુઃખના પ્રશ્નો માટે આવા સાધકોની આત્મ સાધનામાં કોઈએ વિક્ષેપ પાડવો નહીં કે માત્ર કુતૂહલવૃત્તિથી પ્રશ્નો પૂછીને આવા આત્માઓનો અમૂલ્ય સમય કોઈએ વેડફવો નહીં એ ખાસ નમ્ર સૂચના સહુએ સદૈવ અચૂક લક્ષમાં રાખવા યોગ્ય છે.
સરનામું :- કાંતિલાલભાઈ કેશવલાલ સંઘવી, ૪ કિશોર સોસાયટી
દેશળ ભગતની વાવની પાસે, સુરેન્દ્રનગર, પીન - ૩૬૩૦૦૧ ફોનઃ ૦૨૭૫૨ - ૨૩૫૨૩- ઘરે ૦ ૨૫૫૨૫ - ઓફિસ
૨૮ : ૨૧૧ ઉપવાસની તપશ્ચર્યા કરનાર હીરાચંદભાઈ રતનસીં માણેક
અધ્યાત્મની ઝંખના માનવીને અંતરની કેડીએ દોરી જાય છે. ઘણીવાર આખી દુનિયામાં ભમતો માનવી પોતાના ભીતરથી અજાણ હોય
બહુરત્ના વસુંધરા–ભાગ બીજો = ૧૦૧
明
