________________
એમાં આધ્યાત્મિક પુરુષનાં દર્શન થયા અને તપશ્ચર્યાના માર્ગે અધ્યાત્મની કે ઊંચાઈ પામવાનો અભિલાષ જાગ્યો. આ સમયે ૨૦૧ ઉપવાસ કર્યાની પૂ. સહજ મુનિ નામના સંતની વાત સાંભળી.
અત્યાર સુધીમાં ૩પ ઉપવાસ કરી ચૂકેલા હીરાચંદભાઈને પોતાનું હીર કસવાનો વિચાર થયો. પહેલાં તો ૧૧૧ ઉપવાસ કરવાનો સંકલ્પ કર્યો, પરંતુ ૪૦ ઉપવાસે એમની તબીયત બગડી. ચારેક દિવસ તબિયત અસ્વસ્થ રહી પણ ફરી આત્મબળથી દેહ પર વિજ્ય મેળવ્યો અને પોતાની તપયાત્રા ચાલુ રાખી. - એન્જિનીયરીંગમાં બી. ઈ. મિકેનીકલની ડીગ્રી મેળવનાર હીરાચંદભાઈને સાહિત્ય અને સંશોધનમાં પણ એટલો જ રસ. કલિક્ટ જેવા શહેરમાં એકવાર એમણે ગુજરાતી સ્કૂલ સ્થાપવાનો વિચાર કર્યો. કામ ઘણું કપરું હતું, પણ હીરાચંદભાઈનો સંકલ્પ એટલો જ બલવાન હતો. એમણે નિશ્ચય કર્યો કે જ્યાં સુધી વિશાળ સભાગૃહ સાથેની સ્કૂલ ન બંધાવું ત્યાં સુધી ચંપલ પહેરવા નહિ.
મધ્યમ વર્ગના માનવીને માટે આ સંકલ્પ ઘણો મોટો હતો. કેટલાક એમની મજાક પણ કરતા કે ખુદ ગુજરાતમાંથી ગુજરાતી ભાષા તરફની લગની ઓછી થતી જાય છે. ત્યારે તમે કલિકટમાં ગુજરાતી શાળા. સ્થાપવાનો મનસૂબો શાને રાખો છો ? કોઈ કહેતા કે છોકરાઓને અંગ્રેજી ! સ્કૂલમાં મોકલીશું પછી ગુજરાતી સ્કૂલની શી જરૂર છે?
તપની ખૂબી જ એ છે કે માનવીના આંતર જીવનની પેઠે બાહ્ય જીવનને પણ દ્રઢ અને મકકમ બનાવે છે. હીરાચંદભાઈને આ તપના. પરિણામે વિચારોની શુદ્ધિ અને કાર્યની રૂપરેખા અંગે સ્પષ્ટ દર્શન હતું. તેમણે ધૂણી ધખાવી. પાંચ વર્ષ સુધી કારમી ઠંડીમાં કે બળબળતા તાપમાં ચંપલ વિના ઘૂમ્યા. વળી વ્યવસાય એવો હતો કે ઠેર ઠેર ઘૂમવું પડે. પહેલાં સિંધિયા સ્ટીમ નેવીગેશનમાં એજન્ટ હતા અને પછી નાળિયેરના વેપારી તરીકે એમણે નામના મેળવી હતી.
આખરે ગુજરાતી સમાજનું મકાન ઊભું થયું. એશિયાના પ્રથમ ૧૦ સભાગૃહોમાં સ્થાન પામે તેવું ઓડિટોરિયમ તૈયાર થયું. કલિકટનો ગુજરાતી સમાજ કચ્છની ધીંગી ધરતીના આ મકકમ માનવી પર વારી ગયો. એણે ચામડાના ચંપલ નહીં પહેરવાની પ્રતિજ્ઞા લેનાર હીરાચંદભાઈનું ચાંદીના. ચંપલ આપીને સન્માન કર્યું. વર્ષો સુધી હીરાચંદભાઈ ગુજરાતી સમાજના પ્રમુખ રહ્યા.
સાહિત્યનો જેવો ઊંડો રસ એટલો જ ઊંડો રસ સંશોધનમાં. ધર્મ અને B Y બહુરના વસુંધરા-ભાગ બીજે ૧૦૩ રસ
hannnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnnn.
