________________
પણ થતા હોવાનું તેમના જ શ્રીમુખેથી સાંભળ્યું છે. એટલે આવી આંતરિક અનુભવોની વાતોને હંબગ માનીને હસી નાખવા કરતાં શ્રધ્ધાપૂર્વક સ્વીકારીને નિષ્ઠાપૂર્વકની સાધના દ્વારા પોતે પણ તેવા પ્રકારની અનુભૂતિઓ મેળવવા માટે તટસ્થ વિચારશીલ સમજુ આત્માઓએ કટિબધ્ધ બનવું જોઈએ.
આવા અતીન્દ્રિય અનુભવોની સત્ય વાતો પણ નાહક કોઈના વાદ-વિવાદ, શંકા-કુશંકા કે કુતર્કનું નિમિત્ત કારણ ન બને તે માટે જ મોટા ભાગના સાધકો આવા અનુભવો સદ્ગુરુ યા કોઈ શ્રધ્ધાળુ સુપાત્ર જીવ સિવાય કોઈને જલ્દી જણાવવાનું ટાળે છે. તેમ છતાં અન્ય સાધકોને સાધનામાં સવિશેષ પ્રોત્સાહન મળે તથા તટસ્થ વિચારકોને મધ્યસ્થબુદ્ધિથી વિચારવાનું શુભ આલંબન મળે તેવા શુભ આશયથી આટલા ખુલાસા સાથે આ વાતો અત્રે રજુ કરી છે.
ધીરજલાલભાઈના ધર્મપત્ની સુશ્રાવિકાશ્રીદિવ્યાબેન પણ દરરોજ ૩ બાધી નવકારવાળી નિયમિત ગણે છે. તેમની ભાવના ૮ ક્રોડવાર નમો અરિહંતાણં'' પદના જાપની છે ! તેઓ રત્નત્રયી ગ્રુપના ઉપક્રમે અનેકવિધ સત્કાર્યો ગુપ્તપણે કરતા જ રહે છે. જેમણે જિંદગીમાં કદી પાલિતાણાની યાત્રા કરી ન હોય તેવા ૨૪૦ જણાને કચ્છમાંથી પાલિતાણાની યાત્રા કરાવી. અનેક પાઠશાળાઓના શિક્ષક-શિક્ષિકાઓને પૂજાની જોડ આપી તથા પાલિતાણાની યાત્રા કરાવી. સં. ૨૦૫૨ માં ૧૦૦ સાધર્મિકોને પાલિતાણામાં ચાતુર્માસિક આરાધના માટેનું આયોજન ગોઠવ્યું. આ ઉપરાંત પણ અનેક ઠેકાણે ગુપ્ત સાધર્મિક સહાય, અનુકંપા દાન, સામૂહિક ૨૪મો તથા વિવિધ તીર્થયાત્રાના આયોજનો તેઓ અવાર નવા૨ ગોઠવતા રહે છે.
તેમના સુપુત્ર કમલકુમારે પણ ૩૦ દિવસમાં બ્યાસણા પૂર્વક ૧ લાખ નવકાર જાપનું અનુષ્ઠાન કર્યું. ૮ મા ધોરણની પરીક્ષા બાદ વેકેશનનો સદુપયોગ કરવા માટે રોજ ૩૦-૩૫ બાંધી માળાનો જાપ કર્યો. ૨ પ્રતિક્રમણ સૂત્રો કંઠસ્થ કર્યા છે. રોજ જિનપૂજા તથા ૨ બાંધી માળાનો જાપ અચૂક કરે છે.
સુપુત્રી પ્રેમલકુમારી પણ રોજ ૫ બાંધી નવકારવાળીનો જાપ કરે છે. આમ ધીરજભાઈના ઘરના બધા સભ્યો નવકારની આરાધનામાં લીન છે. એટલું જ નહીં પણ ધીરજભાઈ જ્યાં પણ જાય ત્યાં અનેકાનેક આત્માઓને વિધિપૂર્વક નવકાર જાપનો મહિમા સમજાવી નવકાર મહામંત્રની આરાધનામાં જોડતા રહે છે.
એકવાર તો ધી૨જભાઈને રૂબરુ મળીને તેમના શ્રીમુખે જ નવકારના અનુભવો સાંભળવા જેવા છે.
બહુરત્ના વસુંધરા–ભાગ બીજો = ૯૫
