________________
૩ : આધુનિક મીની વિજય શેઠ - વિજયા શેઠાણી પ્રકાશભાઈ તથા શશીબેન અથવા અર્વાચીન “શાલિભદ્રમુનિ”
દરરોજ દેવલોકમાંથી (પિતા) દેવ દ્વારા મોકલવામાં આવતી વસ્ત્ર-આભૂષણ તથા દિવ્ય ભોજનની ૯૯ પેટીઓ, ૭ માળની આલિશાન હવેલી તથા ૩૨ સ્નેહાળ પત્નીઓનો પરિત્યાગ કરીને, ભગવાન શ્રી મહાવીર સ્વામીનું શિષ્યત્વ સ્વીકારી ઘોર સાધનાના અંતે વૈભારિગિરની ધગધગતી શિલા ઉપર પાદપોપગમન અનશન સ્વીકારી એકાવતારી દેવ બનેલા ભૂતકાલીન શાલિભદ્ર મહામુનિના શાસ્ત્રોક્ત દૃષ્ટાંતમાં જો કોઈ આધુનિક શિક્ષિતને અતિશયોક્તિ કે અસંભવોક્તિનાં દર્શન થતાં હોય... અથવા લગ્નની પ્રથમ રાત્રિથી જ યાવજ્જીવ બ્રહ્મચર્યનું અણિશુદ્ધ પાલન કરતા વિજય શેઠ અને વિજ્યા શેઠાણીના સુપ્રસિદ્ધ દૃષ્ટાંતમાં કોઈને કાલ્પનિકતાનું દર્શન થતું હોય તો એમણે પ્રકાશભાઈમાંથી ૨ વર્ષ પહેલાં જ શાલિભદ્ર મુનિ બનેલા મહાત્માને ખાસ મળવા જેવું છે !...
રાજસ્થાનના જયપુર શહેરમાં રહેતા, સાચા હીરાના પ્રામાણિકતા પૂર્વકના (એક નંબરી-વ્હાઈટ) વ્યવસાય દ્વારા અબજોપતિ બનેલા ગર્ભશ્રીમંત કુળમાં જન્મેલા પ્રકાશભાઈને કોઈ પૂર્વ જન્મના તથાપ્રકારના શુભ સંસ્કારોના કારણે ભર યુવાવસ્થામાં બધા જ પ્રકારની ભરપૂર અનુકૂળતાઓ હોવા છતાં પણ સાંસારિક વૈષયિક સુખભોગ તરફ લેશમાત્ર આકર્ષણ ન હતું. બલ્કે તેઓ ભોગસુખોની કિંપાક ફળ તુલ્ય પરિણામ કટુતાને જ્ઞાનગર્ભિત વૈરાગ્યના પ્રભાવે સારી પેઠે સમજતા હોવાથી ‘સસ્નેહી પ્યારા રે સંયમ કબ હી મિલે'ની ભાવનામાં જ રમતા હતા. પરંતુ કર્મસત્તાએ તેમની આ ઉત્તમ ભાવનાને સાકાર બનતી અટકાવવા માટે જાણે કમ્મર કસી હોય તેમ તેમના માતુશ્રીનો સ્વર્ગવાસ થતાં પિતાશ્રી દ્વારા દીક્ષા માટે કોઈપણ રીતે અનુમતિ મળતી ન હતી. કારણ કે તેઓ પિતાના એકના એક લાડકવાયા સુપુત્ર હતા. પ્રકાશભાઈને ત્રણ બહેનો હતી પરંતુ ભાઈ એક પણ ન હતો. તેથી પિતાશ્રી તરફથી તેમને લગ્ન કરવા માટે અવાર નવાર આગ્રહ ચાલુ જ રહેતો હતો. આખરે દાક્ષિણ્ય ગુણના લીધે પિતાશ્રીની આજ્ઞામાં અનિચ્છાએ પણ સંમતિ દર્શાવતાં પહેલાં તેમણે શરત મૂકી કે– ‘‘હું લગ્ન કરું તો પણ યાવજ્જીવ બ્રહ્મચર્યનું પાલન કર્યું. આ વાત જો આપને મંજૂર હોય તો જ હું લગ્ન
બહુરત્ના વસુંધરા-ભાગ બીજો = ૪૬
