________________
છેડા (ઉં. વ. ૬૦ લગભગ) કોઈ નિક્ટ મોક્ષગામી જીવ હોય એમ એમનું જીવન જોનાર કોઈને પણ લાગ્યા વિના નહિ રહે.
દરરોજ સવારે ૪ વાગ્યે ઊઠીને ૨ ક્લાક સુધી નવકાર મહામંત્રનો એકાગ્રતચિત્તે જાપ તેમજ શ્રી અરિહંત પરમાત્માનું ધ્યાન ધરે છે. ત્યારબાદ જિનાલયમાં જઈને પ્રભુપૂજા ભાવપૂર્વક કરે છે. જિનવાણી શ્રવણનો યોગ હોય તો અચૂક લાભ લે. પોતે નિત્ય ઓછામાં ઓછું બ્યાસણાનું પચ્ચક્ખાણ કરે છે. તેમાં પણ ફક્ત પાંચ જ દ્રવ્યથી વધારે વાપરતા નથી. ઘી-દૂધ તથા ફ્રૂટ અને મેવાનો સદાને માટે ત્યાગ છે પરંતુ સાધુ-સાધ્વીજી ભગવંતોને આ બધી ચીજો ખૂબ જ ભાવપૂર્વક વહોરાવે છે. બે-ત્રણ વનસ્પતિ સિવાય અન્ય બધી લીલોતરીના શાકનો પણ ત્યાગ છે. શાક પણ બાફેલું જ વાપરે છે.
નવપદજીની શાશ્વતી ઓળીની આરાધના પોતાની જન્મભૂમિ કાંડાગરામાં જઈને કરે છે ત્યારે ધર્મભાવનાશીલ અનેક ગામાઈઓ તથા પરિચિતોને પોતાની સાથે તેડી જઈને પોતાના ઘરે જ આયંબિલ કરાવવાનો લાભ લે છે. રોજ સંઘપૂજન કરે તથા પારણા કરાવીને વિશિષ્ટ કોટીની પ્રભાવના કરે. પોતે ઉત્સાહથી નવપદની આરાધના કરે અને અનેકને નવપદની આરાધનામાં જોડે જેથી કાંડાગરા જેવા નાના ગામમાં પણ ખૂબ જ સુંદર ધર્મજાગૃતિ જોવા મળે છે.
ચાતુર્માસના ચાર મહિના દરમ્યાન તેઓ કચ્છમાં રહે છે ત્યારે કોઈપણ ગચ્છ કે સંપ્રદાયના સાધુ - સાધ્વીજી તેમના ગામમાં બિરાજમાન હોય તેમના દર્શનાર્થે જેટલા પણ સાધર્મિકો આવે તેમને આગ્રહપૂર્વક પોતાના ઘરે લઈ જાય અને ખૂબ જ ભાવપૂર્વક તેમની સાધર્મિક ભક્તિ કરે. જો કોઈ સાધર્મિક જમવા માટે આનાકાની કરે તો બાબુભાઈ પોતે ઉપવાસનું પચ્ચક્ખાણ લેવા તૈયાર થઈ જાય. આવી છે તેમની સાધર્મિક ભક્તિની પ્રીતિ !
ચાતુર્માસનો પ્રારંભ થાય તેનાથી પહેલાં આખા કચ્છમાં જ્યાં જ્યાં સાધુ-સાધ્વીજી ભગવંતો બિરાજમાન હોય ત્યાં પોતાની ગાડી લઈને પહોંચી જાય અને તેમને કલ્પે તેવા ઉપકરણો ખૂબ જ ભાવપૂર્વક વહોરાવીને પોતાની જાતને ધન્ય માને.
ચાતુર્માસ દરમ્યાન તેમજ શેષકાળમાં પણ જ્યારે સાધુ-સાધ્વીજી ભગવંતોનો યોગ હોય ત્યારે તેઓ ખૂબ જ ભક્તિભાવ પૂર્વક પોતાના ઘરે ત્રણે ટાઈમ ગોચરીનો લાભ આપવા માટે વિનંતિ કરે અને ખૂબ જ અહોભાવ પૂર્વક સુપાત્રદાનનો ઉદારદિલે લાભ લે.
મુંબઈમાં બોમ્બે હોસ્પીટલમાં તેમનો અમૂલ્ય ફાળો છે. દરેક દર્દીઓને તેઓ નવકાર મહામંત્રનો કાર્ડ આપે અને જાપ કરવા ભલામણ કરે. પોતે
બહુરત્ના વસુંધરા-ભાગ બીજો = ૮૬
