________________
કલમ તૈયાર થઈ ગઈ છે, એવા-મૂળ કચ્છ મેરાઉ ગામના વતની પરંતુ વ્યવસાયાર્થે વર્ષોથી ગાંધીધામમાં સ્થિર થયેલા બંધુયુગલ શ્રી દેવજીભાઈ તથા નાનજીભાઈ ને યાદ કરતાં જ ઈતિહાસ પ્રસિદ્ધ વસ્તુપાળ-તેજપાળ કે રામ લક્ષ્મણની જોડી યાદ આવ્યા વિના રહે નહીં !...
માતા મૂરીબાઈ તથા પિતા ચાંપસીંભાઈ પદમસીં દેઢિયા તરફથી ઉદારતા, ભદ્રિકતા, ધીરતા, ગંભીરતા, નીતિમત્તા, જિનભક્તિ, જીવમૈત્રી, ગુરુભક્તિ, સાધર્મિક ભક્તિ, વિનય, વૈયાવચ્ચ, સાદગી, સેવા, સમર્પણ આદિ અગણિત ગુણસમૃદ્ધિ એમને વારસામાં જ મળી છે.
એક વખત કટોકટી ભરેલી તદ્દન સામાન્ય આર્થિક પરિસ્થિતિમાંથી પસાર થઈને પ્રારબ્ધ અને નીતિપૂર્વકના પુરુષાર્થના બળે કોટયાધિપતિ બની ગયા હોવા છતાં પોતાના વયોવૃદ્ધ પિતાની પગચંપી જાતે ક૨તાં મેં એમને નજરે નિહાળ્યા ત્યારે એમનો વિનય અને કૃતજ્ઞતાનો ગુણ જોઈને અહોભાવથી મસ્તક ઝુકી ગયું ! માતા પિતાની સેવા દ્વારા પ્રાપ્ત કરેલ એમના ભરપૂર આશીર્વાદોને લીધે જ આજે તેઓ લાખોના લાડીલા બની શકયા છે.
વર્ષો સુધી નિયમિત રીતે શ્રી સિદ્ધચક્રલઘુપૂજન જેઓ ખૂબ જ ભાવપૂર્વક કરતા પરિણામે આજે સિદ્ધચક્રના સારભૂત અર્હ સ્વરૂપી નિજ આત્મસ્વરૂપમાં જેઓ સ્વયં સુસ્થિર થઈ ગયા છે !...
ગાંધીધામના આંગણે આવતા કોઈપણ સમુદાયના પરિચિત કે અપરિચિત દરેક સાધુ-સાધ્વીજી ભગવંતોની દરેક પ્રકારની વૈયાવચ્ચ-ભક્તિ ખૂબ જ ઉલ્લસિતભાવથી વર્ષોથી તેઓ કરતા આવ્યા છે. તેમજ ગાંધીધામની બંને બાજુએ આવેલ માથક તથા પદાણા ગામમાં જૈન વસતી ન હોવાથી ત્યાં પધારતા દરેક સાધુ-સાધ્વીજી ભગવંતોની ગોચરી-પાણી આદિની વ્યવસ્થા વર્ષો સુધી એમણે ભક્તિભાવે જાતે સંભાળી છે પરિણામે હજારો સાધુ-સાધ્વીજી ભગવંતોના અંતરના આશીર્વાદ તેમને સાંપડયા છે. તેમાં પણ પ.પૂ. અચલગચ્છાધિપતિશ્રીના આજ્ઞાવર્તિની મહાતપસ્વી, તત્ત્વજ્ઞા પૂ.સા.શ્રી જગત્પ્રીજી મ.સા. તથા તેમના સુશિષ્યા યોગનિષ્ઠા પ.પૂ. વિદુષી સા.શ્રી ગુણોદયશ્રીજી મ.સા. નો સત્સંગ એમના જીવનને આધ્યાત્મિક વળાંક આપવામાં મુખ્ય રૂપે નિમિત્તભૂત બન્યો છે. તેમના સ્વર્ગવાસ બાદ આજે પણ તેમના સુશિષ્યા યથાર્થનામી આત્મજ્ઞા પૂ.સા.શ્રી અનંતગુણાશ્રીજી મ.સા. તથા સ્વાનુભૂતિસંપન્ન પૂ.સા.શ્રી તત્ત્વગુણાશ્રીજી મ.સા.નો તેમના જીવનની આધ્યાત્મિક વિકાસ યાત્રામાં સવિશેષ ફાળો રહ્યો છે.
મોટા ભાઈ દેવજીભાઈ તો જાણે જન્મતાં જ યોગી જેવા. બહુરત્ના વસુંધરા-ભાગ બીજો ૬૫
