________________
૨૧ : હિમાલયના સિદ્ધયોગી મહાત્માના માર્ગદર્શન મુજબ નવકાર મહામંત્રની સાધના કરતા દામજીભાઈ જેઠાભાઈ સુથરીવાલા
મંત્રાધિરાજ શ્રી નમસ્કાર મહામંત્ર !... જેના વિષે ગવાય છે કે - “યોગી સમરે ભોગી સમરે, સમરે રાજા રંક,
દેવો સમરે દાનવ સમરે, સમરે સહુ નિઃશંક.”
આવા નવકાર મહામંત્રનું સ્મરણ જૈન કુળમાં જન્મેલ દરેક આત્મા ઓછે વત્તે અંશે કરે જ તેમાં આશ્ચર્ય નથી, પરંતુ હિમાલયમાં રહેતા સેંકડો વર્ષની ઉંમર ધરાવતા સિદ્ધયોગી મહાત્માઓ પણ નવકાર મહામંત્રનું આલંબન લઈને યોગસાધના કરે છે એ જાણીએ ત્યારે મહામંત્રની સર્વવ્યાપક્તા જોઈને સાનંદ આશ્ચર્ય સાથે અહોભાવ વૃશ્રિંગત બન્યા વિના રહે નહીં.
મૂળ કચ્છ-સુથરીના વતની પરંતુ હાલ મુંબઈ દાદરમાં રહેતા સુશ્રાવક શ્રી દામજીભાઈ જેઠાભાઈ લોડાયા (ઉં.વ. ૮૬) છેલ્લા ૫૦ વર્ષોથી હિમાલયના આવા યોગીરાજના માર્ગદર્શન મુજબ નવકાર મહામંત્રના આલંબનથી યોગસાધના કરી રહ્યા છે ! ચાલો આપણે તેમના જીવનમાં થોડું ડોકીયું કરીએ.
દામજીભાઈના પિતાશ્રી જેઠાભાઈ ઉજ્જૈન (મ.પ્ર.) માં કપાસ (રૂ) નો વેપાર કરતા હતા. તેથી ઉજ્જૈનમાં ગ્રેજ્યુએટ થયેલા દામજીભાઈ તેમના કાકા શ્રી વાલજીભાઈ લધાભાઈની મુંબઈમાં કપાસની મોટી પેઢી ચાલતી હતી તેમાં ભાગીદાર તરીકે જોડાયા.
દામજીભાઈએ પોતાના કાકાશ્રીને સટ્ટો ન કરવાની વિનંતિ કરવા છતાં ભવિતવ્યતાવશાત્ બીજા ત્રણેક વેપારીઓના આગ્રહથી પોતાની કંપનીના નામે તેમણે મોટો સટ્ટો કર્યો અને કર્મ સંયોગે તેમાં ૯૦ લાખ રૂ. ની ખોટ ગઈ. બીજા વેપારીઓ છટકી જતાં આટલી મોટી ૨કમ વાલજી લધાભાઈ કંપનીને ભરપાઈ કરવાની જવાબદારી આવી પડતાં તેના આઘાતથી વાલજીભાઈનું હૃદય બંધ પડી જવાથી અવસાન થયું. તેથી આ રકમ ભરપાઈ કરવાની જવાબદારી દામજીભાઈ ઉપર આવી પડતાં તેઓ ખૂબ ચિંતાતુર બની ગયા. તેમને ચિંતામગ્ન જોઈને એક શ્રાવક તેમને દાદરમાં કબૂતરખાના પાસે આવેલ શાંતિનાથ જિનાલયના ઉપાશ્રયમાં ચાતુર્માસ બિરાજમાન
બહુરત્ના વસુંધરા-ભાગ બીજો – ૭૮
