________________
કરવા અંગેની આપની આજ્ઞાને શિરોધાર્ય કરવા માટે વિચાર કરું.''
કેટલોક વિચાર કરીને આખરે પિતાએ એ બાબતમાં સંમતિ દર્શાવતાં તેવા પ્રકારના પાત્રની શોધ કરતાં ઋણાનુબંધવશાત્ તેવું જ પાત્ર મળી આવ્યું.
કુમારિકા શશીબેન પણ અબજોપતિ ગર્ભશ્રીમંત કુટુંબમાં જન્મ પામવા છતાં સંસારસુખથી જલકમલવત્ અલિપ્ત રહી સંયમની ભાવનામાં રમતા હતા. પરંતુ મોહવશ માતા-પિતા તરફથી અનુમિત મળતી ન હતી. આખરે ભવિતવ્યતા મુજબ શશીબેન તથા પ્રકાશભાઈનું સગપણ નક્કી થયું પરંતુ તે પહેલાં જ બંને જણાએ યાવજ્જીવ બ્રહ્મચર્યવ્રત પાલન કરવાનો મક્કમ નિર્ધાર કરી જ લીધો હતો. ત્યારબાદ બંનેના લગ્ન થયા ત્યારે શશીબેનના પિતાશ્રીએ પોતાની લાડકવાયીને સાસરે વળાવતાં ૯૯ ક્રોડ રૂ. દહેજ તરીકે આપ્યા. તેમ છતાં આ નવદંપતિ પૌલિક વૈભવમાં લેશમાત્ર મોહ ન પામતાં આત્મિક સદ્ગુણોની સમૃદ્ધિમાં દિન-રાત અભિવૃદ્ધિ કરવાનો પુરુષાર્થ કરતાં કરતાં ભાઈ-બહેનની માફક નિર્મળ જીવન જીવતાં જીવતાં અસિધારાવ્રતનું સહજપણે પાલન કરવા લાગ્યા. અને લગ્નની ચોરીમાં પણ સંયમના ઉત્કૃષ્ટ મનોરથો કરતાં કરતાં કેવલજ્ઞાન પામેલા ગુણસાગરશ્રેષ્ઠી પુત્રની માફક સર્વવિરતિ ધર્મનો સ્વીકાર કરવાની ભાવના ભાવતાં ભાવતાં ભાવદીક્ષિત બનીને સમય વ્યતીત કરવા લાગ્યા.
આખરે એક દિવસ પ્રકાશભાઈના પિતાશ્રીનું અવસાન થતાં હવે આ સંયમાભિલાષી આત્માઓને ચારિત્રના ગગનમાં ઉડ્ડયન કરતાં અટકાવનાર કોઈ જ બંધન રહ્યું ન હતું. તેથી ટૂંક સમયમાં જ તેમણે મહાભિનિષ્ક્રમણના પુનીત પંથે પ્રસ્થાન કરવા માટેની તૈયારી કરી લીધી. પોતાની ત્રણે બહેનોને ૫-૫ ક્રોડ રૂ. આપીને આજીવિકા અંગે નિશ્ચિત બનાવીને વધુને વધુ ધર્મમય જીવન જીવવા માટે પ્રકાશભાઈએ પ્રેરણા આપી. એટલું જ નહિ પરંતુ પોતાના ઘરમાં તેમ જ દુકાનમાં કામ કરતા તમામ કર્મચારીઓને પણ ૫-૫ લાખ રૂ. આપીને તેમને યાવજ્જીવ દરરોજ ઓછામાં ઓછું એક સામાયિક કરવાની સફળ પ્રેરણા આપી.
શ્રી જયપુર સંઘે આ બંને દીક્ષાર્થીઓનું બહુમાન કરવા માટે સાંજીનું આયોજન કર્યું ત્યારે સાંજીમાં આવેલ ૮૦ જેટલા શ્રાવિકાઓને દરેકને ૨-૨ લાખ રૂ.ની સાચા હીરાની વીંટી તેમણે પ્રભાવના તરીકે આપી. અને બાકી રહેલા ૪૦૦ ક્રોડ (૪ અબજ) રૂ. નું ધર્માદા ટ્રસ્ટ બનાવીને આજથી બે વર્ષ પહેલાં જ તેમણે સજોડે દીક્ષા અંગીકાર કરી ત્યારે પ્રકાશભાઈની ઉંમર ૪૫ વર્ષની હતી.
તેમણે પોતાના ગુરુ તરીકે સ્થાનકવાસી સંઘનો એક પેટા સમુદાય કે બહુરત્ના વસુંધરા–ભાગ બીજો ૪૭
