________________
વિષયક મનનીય પુસ્તક ‘જો જે અમૃતકુંભ ઢોળાય ના’ આપેલ.
છેલ્લા કેટલાક વર્ષોથી તેમના સાસુને લકવા લાગુ પડ્યો છે. ત્યારે એક દીકરી પોતાની માતાની સેવા કરે તેના કરતાં પણ વિશિષ્ટ રીતે દક્ષાબેન પોતાના સાસુજીની ખડે પગે સેવા કરે છે. સાસુના પલંગની પાસે જ તેમની બેઠક હોય. થોડી થોડી વારે આહાર-નીહાર કરાવવો, માલિસ કરવી, દવા આપવી. વિગેરે એવી અદ્ભુત સેવા કરે છે કે જોનારા આફ્રીન પોકારી ઊઠે છે.
થોડા વર્ષ પૂર્વે દક્ષાબેનના ઉપકારી પાર્શ્વચંદ્રગચ્છીય સા. શ્રી ભવ્યાનંદશ્રીજી ચતુર્વિધ સંઘ સાથે પાલિતાણામાં ૯૯ યાત્રા કરી રહ્યા હતા. દક્ષાબેનને તેની જાણ થતાં સાસુજી સમક્ષ રજુઆત કરી કે જો આપની રાજીખુશીથી અનુમતિ હોય તો આપની સેવાની વ્યવસ્થા કરીને હું સિદ્ધગિરિની એક યાત્રા ગુરુણીની નિશ્રામાં કરી આવું. આવી સુશીલ, સુવિનીત અને સેવાભાવી પુત્રવધૂની આવી ઉત્તમ ભાવનામાં અંતરાય રૂપ બને તેવા આ સાસુ ન હતા. તેમણે આશીર્વાદ પૂર્વક સંમતિ આપતાં દક્ષાબેને તરત પત્ર લખીને પોતાની ભાવનાની ગુરુણીજીને જાણ કરી. પરંતુ તરત જ સાધ્વીજીએ યોગ્ય પ્રત્યુત્તર વાળતાં લખ્યું કે લકવાગ્રસ્ત સાસુજીની સેવાને થોડીપણ ગૌણ કરીને હાલ યાત્રા માટે અત્રે આવવાની આવશ્યકતા નથી. તમારા માટે તો હાલ બિમાર સાસુની સુંદર સેવા કરીને તેમના આશીર્વાદ મેળવવા એ જ સાચી તીર્થયાત્રા છે. કારણ કે ભગવાને કહ્યું છે કે ‘જો ગિલાણં પડિસેવઈ સો મં પડિસેવઈ' અર્થાત્ જે બિમારની સેવા કરે છે તે મારી જ સેવા કરે છે.’ એ પત્ર વાંચતાં જ એક પણ ક્ષણનો વિલંબ કર્યા વિના દક્ષાબેને પાલિતાણા જવાની પોતાની ભાવના માંડી વાળી, ધન્ય સાધ્વીજી...! ધન્ય શ્રાવિકા...!
છેલ્લા કેટલાક સમયથી તેમણે એક નવું મકાન લીધું છે. એ મકાનના વાતાવરણને મંદિર જેવું પવિત્ર રાખવા ઈચ્છતા દક્ષાબેન અને દિલીપભાઈએ નિર્ણય કર્યો છે કે એ મકાનની અંદર કદીપણ કોઈ મહેમાનને પણ રાત્રિભોજન કે અબ્રહ્મનું પાપ કરવા મળે નહિ !
આવા દૃષ્ટાંત સાંભળતાં ખરેખર વિચાર થાય કે અબળા ગણાતી નારી પણ જો ધારે તો પોતાના જીવનની પવિત્રતા દ્વારા પરિવારમાં પણ કેવું સુખદ ધર્મમય વાતાવરણ સર્જી શકે છે ! તે માટે જરૂર છે કુસંગથી દૂર રહેવાની અને શ્રદ્ધાપૂર્વક સત્સંગ કરવાની.
સરનામું : દક્ષાબેન દિલીપભાઈ શાહ, C/o. ફેશન ટોન્ટ/૧, ઈરાની દહાણુ રોડ-૨૦ (મહારાષ્ટ્ર)
બહુરત્ના વસુંધરા-ભાગ બીજો = ૪૫
