________________
થઈ શકશે.
તેમના પરમ ઉપકારી ગુરુદેવ પ. પૂ. પન્યાસ પ્રવર શ્રી જયસોમવિજયજી મ. સા. સુવિશુદ્ધ ચારિત્રાચારનું પાલન તથા પ. પૂ. આચાર્ય ભગવંત શ્રીમદ્ વિજય પ્રેમસૂરીશ્વરજી મ. સા. ની અંતિમ સમયમાં વિશિષ્ટ વૈયાવચ્ચની સાથે વર્ધમાન આયંબિલ તપની ૧૦૮ ઓળી ઉપરાંત ૩૬, ૩૮, ૪૦, ૪૧-૪૫-૫૫-૬૮ ઉપવાસ તથા બે વર્ષીતપ વિગેરે વિશિષ્ટ તપશ્ચર્યાનાં કારણે પૂ. ગુરુદેવ આચાર્ય ભગવંત શ્રી વિજય ભુવનભાનુસૂરીશ્વરજી મ. સા. ના શ્રીમુખેથી ‘તપસ્વીરત્ન'નું બિરુદ પામ્યા છે.
આવા ઉત્કૃષ્ટ તપસ્વી આરાધક ગુરુદેવનો તપ વારસો મુનિશ્રી જયદર્શન વિજયજીનાં જીવનમાં અત્યારથી જ જોવા મળે છે.
સા. ભવ્યગુણાશ્રીજી પણ દીક્ષિત જીવનમાં ૨ માસક્ષમણ, એક સિદ્ધિતપ, ૫૦ અઠ્ઠમ, વર્ધમાન તપની બાર ઓળી ઉપરાંત હાલ વીશસ્થાનક તપની આરાધના કરી રહ્યા છે. તેમના ગુરુણી સા. શ્રી વસંતપ્રભાશ્રીજીએ પણ પૂર્વાવસ્થામાં (કુ. વિજયા તરીકે) લગ્ન થવા છતાં બાલ બ્રહ્મચારિણી રહીને કેવા અદ્ભુત પરાક્રમથી સંયમની પ્રાપ્તિ અને સાધના કરી છે તેનું રોમ હર્ષક દૃષ્ટાંત આ જ પુસ્તકમાં શ્રાવિકાઓના દૃષ્ટાંત વિભાગમાં વાંચવા મળશે. અસ્તુ.
પ્રસ્તુત દૃષ્ટાંતમાં આલેખાયેલ સહુ સંયમી પવિત્રાત્માઓના આદર્શ જીવનમાંથી પ્રેરણા મેળવી સહુને સુવિશુદ્ધ સંયમ પાલનનું બળ સંપ્રાપ્ત થાઓ એ જ શુભ ભાવના.
૨ ઃ એક જ વાર પ્રવચન શ્રવણથી ૨૪ વર્ષની વયે યાવજ્જીવ સોડે બ્રહ્મચર્ય વ્રત સ્વીકારતા કચ્છી દંપતિ દક્ષાબેન દિલીપભાઈ
ચારિત્રસંપન્ન વક્તા અને શ્રદ્ધા સંપન્ન શ્રોતાનો સુભગ સુમેળ સધાય તો કેવું ચમત્કારિક પરિણામ નીપજી શકે છે તે આપણે દક્ષાબેનના દૃષ્ટાંતમાંથી જોઈશું.
કચ્છ-માંડવી શહેરમાં સ્થાનકવાસી જૈન પરિવારમાં જન્મ પામેલા અને કચ્છ-મુન્દ્રાના મૂર્તિપૂજક વી૨ સૈનિક દિલીપભાઈ નામના યુવાન સાથે લગ્નગ્રંથીથી જોડાયેલા દક્ષાબેન હાલ મુંબઈ પાસે આવેલા ડહાણુ ગામમાં
બહુરત્ના વસુંધરા-ભાગ બીજો = ૪૩
