________________
કે સ્થાપિત કરનાર પ્રભાવિક આચાર્ય શ્રી સિદ્ધસેનસૂરિજીની નજર કેટલી વેધક હશે કે જેઓએ તેજ પ્રમાણે ભીલડીયા પાર્શ્વના દર્શન કરી જંગલમાંથી પસાર થતાં આંબાના ઝાડ ઉપર ઝોળીમાં રાજવંશીય સુકુમાર બાળને તેના રૂપતેજથી પારખી લીધો. મોઢેરાના સંઘ પાસે વાત મૂકી આપત્તિમાં આવેલ સુયશારાણી તથા તેના ચિરંજીવ આમકુમારને વનવનભ્રમણથી મુક્તિ અપાવી રાજા યશોવર્મા સાથે તેઓનું મિલન કરાવ્યું, સૂરિજીના બેઉ ઉપકૃત બાળ બપ્પભટ્ટસૂરિ તથા આમરાજા બન્યા ને શાસનની અભૂત પ્રભાવના થઈ.
- ભૂલમાંય દીન-દુઃખી, તકલીફમાં પડેલી અબળાને જોઈ આંખો ફેરવી લેજો નહિં. બનવા જોગ છે કે સાસરીયા પક્ષથી તરછોડાયેલી અંબિકા હોય. સતી સીતા કે અંજના હોય, જે કાળક્રમે હેરત પમાડે તેવા ઈતિહાસ સર્જનાર સબળા સન્નારી બને.
આ પુસ્તકના દ્રષ્ટાંત પાત્રોને મળો કે જાણો ત્યારે તેઓને લક્ષ્મી કે સરસ્વતીના તિલક-ત્રાજવે ન જોખશો. કદાચ કાયા કાળી હોય ને કાયાધારી આત્મા ઉજળો-ઉજળો. પગે પાવડી કે ખિસ્સામાં પાવલી ન હોય, પણ ધર્મથી ધનવાન ને પુણ્યથી પૈસાવાળો હોય, તેનું તન તંબૂ જેવું ઢીલું હોય પણ મન મહેલાત જેવું મજબૂત હોય. સ્વજનથી નોખો હોય પણ સૌજન્યથી અનોખો $ હોય, વાણીમાં વિલાસ ન હોય પણ વર્તનમાં વિકાસ હોય, સારમાં સઘળુંય { પ્રતિકૂળતા જેવું દેખાય પણ તેજ તેની અનુકૂળતા હોય.
વાંચકો ! વધુ તો શું કહેવું, ઝવેરીની આંખો જ હીરાને મૂલવી શકે. દેવલોકના દેવો પણ ઉગ્રસાધક શ્રાવક-શ્રાવિકાનું સગપણ સ્વપ્ન માધ્યમ સાધવામાં સુખાનુભૂતિ પામે છે. શાસનદેવી સમરાશાની સેવામાં આવે, ચક્રેશ્વરી જાવડશાને જગાડે, દેવતાઈ બળે સર્પ પણ પુષ્પમાળ બની શ્રીમતીના કંઠમાં પડે, ગોવાળીયા દેવપાલને દિવ્યાનુભૂતિ થાય ને તીર્થંકર નામકર્મ બંધાય, આ બધીય ઘટનાઓમાં એકત્વ એક એ છે કે ક્યારેક સાધુ કરતાંય સંસારી શ્રાવક તેની સવિશુદ્ધ ભાવનાના બળે દેવોને પણ આકર્ષવામાં સાહજિક સફળતા મેળવી જતો હોય છે.
પ્રાંતે એટલું જ હાર્દિક સૂચન કે ડર રાખજો, ક્યાંક તેવા ઉત્તમ આત્માઓ આંખોથી તો ઓળખાય પણ દ્રષ્ટિથી જો ન દેખાય. તે આરાધકોની ઉપાસના તો દૂર રહી પણ આશાતના ન થઈ જાય. તે સાધર્મિકની ગણના તો દૂર અનુપબૃહણા ન થઈ જાય. અનુમોદના તો ઠીક પણ ભૂલમાં અવળીખંડના ન થઈ જાય. પોતાના દુર્ભાગ્ય ઉપર રડવાનું તો છે. પણ તેમના સાચા સદ્ભાગ્ય ઉપર હસવાનું ન બની જાય. અસ્તુ.
wwww
: ૨૭:
