________________
કરનાર આત્માઓની ઉપબૃહણા કરી પ્રોત્સાહિત કરશે તો તે આરાધકોના જીવનમાં વધુને વધુ સત્કાર્યો કરવાનો ઉલ્લાસ જાગશે તથા સંઘોને પણ ઘણા લાભ થશે.
(૫૪) ૨ કલાક ઊભા ઊભા નવકાર જપતા જસભાઇ પટેલ
નડીયાદમાં શિવનગર સોસાયટીમાં રહેતા જસભાઈ પટેલ (ઉ.વ. ૬૦ લગભગ) સત્સંગથી જૈન ધર્મ પામ્યા છે અને ઘણા વર્ષોથી દરરોજ નિયમિત પણે સવાર સાંજ એક - એક કલાક દેરાસરમાં પ્રભુ સન્મુખ ઊભા ઊભા અત્યંત એકાગ્રતાથી નવકાર મહામંત્રનો જાપ તથા જિનભક્તિ કરે છે..
જાપ દરમ્યાન આંખ કે મન ક્યાંય ભાગે નહિ એવી તેમની એકાગ્રતા સવિશેષ અનુમોદનીય છે. તેમણે અઠ્ઠાઇ વિગેર ઘણી તપશ્ચર્યા કરી છે તથા પાલિતાણા વિગેરે ઘણા તીર્થોની યાત્રા પણ કરી છે.
માઇને પણ રાત્રિભોજન નહિ કરાવનાર મોતિલાલજી ગણપતજી પાટીદાર
મધ્યપ્રદેશમાં બડવાહ ગામ(જિ. ખરગોન)માં રહેતા મોતીલાલજી(ઉ.વ.૬૮) પાટીદાર કોમમાં જન્મેલા છે અને કપાસના વેપારી છે. પરંતુ જૈન મુનિવરોના સત્સંગથી ઘણા વર્ષોથી તેમનો સંપૂર્ણ પરિવાર ચુસ્ત રીતે જૈન ધર્મ પાળે છે.
તેમના સંપૂર્ણ પરિવારમાં રાત્રિભોજન કોઈ પણ કરતા નથી એટલુંજ નહિ પરંતુ કોઈપણ મહેમાન (પછી તે જમાઇરાજ કેમ ન હોય) આવે તો પણ તેમને રાત્રિભોજન કરાવતા નથી..
[આજે શહેરી જીવનશૈલીમાં જૈન કુળમાં જન્મેલા પણ ઘણા આત્માઓ
