________________
સં.૨૦૪૯માં પ્રખરપ્રવચનકાર પૂ.પં. શ્રી રત્નસુંદરવિજયજી મ.સા.ના બારડોલીમાં ચાતુર્માસ દરમ્યાન ચાલુ એકાશણાના તપમાં પર્યુષણ દરમ્યાન અઠ્ઠાઇ કરી અને પારણામાં પણ એકાશણું જ કરેલ! નવકાર તથા ગુરુવંદન આદિના સૂત્રો કંઠસ્થ કરી લીધા છે. દરરોજ નવકાર મહામંત્રની બે બાંધી નવકારવાળીનો જાપ નિયમિત કરે છે.
જીવનમાં ધર્મમાર્ગે હજી ઘણા જ આગળ વધવાની તેમની પ્રબળ ભાવના છે. અને તેથી જ બારડોલીમાં ચાતુર્માસ પધારતા કોઇપણ મહાત્માના શ્રીમુખે થી જિનવાણીનું શ્રવણ તેઓ કદી ચૂકતા નથી!..
(૫૧) માસક્ષમણ આદિ કરનાર સુખાભાઇ પટેલ
અમદાવાદ જિલ્લાના ધંધુકા તાલુકામાં આવેલ ધોલેરા ગામમાં જૈન દેરાસરમાં ૪૦ વર્ષ પૂર્વે મદદનીશ પૂજારી તરીકે કાર્ય કરતા સુખાભાઇ પટેલ (ઉં.વ. ૭૫) ને સાધુ ભગવંતોના સત્સંગથી જૈન ધર્મ તરફ આકર્ષણ થયું અને તેની ફલશ્રુતિ સ્વરૂપે તેમણે એક માસક્ષમણ, એક સોળભત્તું તથા ત્રણ અઠ્ઠાઇની તપશ્ચર્યા કરેલ છે.!...
સ્વ.પૂ. ચતુરમુનિ મ.સા.ના દીર્ઘ સાંનિધ્યના પરિણામે તેમણે ચારિત્રના પંથે પુનિત પ્રસ્થાન કરવાની પૂરી તૈયારી કરી લીધી હતી પરંતુ કોઇ અંતરાય કર્મના ઉદયથી તે શક્ય ન બન્યું .
હાલ તેઓ ધોલેરામાં જૈન સ્થાનકમાં સેવા આપતાં ધર્મમય જીવન જીવી રહ્યા છે.
ચારિત્રના પંથે પ્રયાણ કરવાની તેમની ભાવના આવતા ભવે શીઘ્ર પરિપૂર્ણ થાય તેવી શાસનદેવને પ્રાર્થના.
७८
