________________
(૫૯) આત્મસાધક ડૉ. પ્રફુલ્લભાઇ ઝેડ. જણસારી(મોચી)
આજથી લગભગ ૨૫ વર્ષ પૂર્વે મુમુક્ષુ તરીકે કચ્છ મોટા આસંબીયામાં મારો ધાર્મિક તથા સંસ્કૃતનો અભ્યાસ ચાલુ હતો ત્યારે ડૉ. બાબુભાઇના સુપુત્ર ડૉ. પ્રફુલ્લભાઇનો થોડો પરિચય થયેલ; પરંતુ ત્યારપછી વર્ષો બાદ જ્યારે સ.૨૦૫૧માં ગિરનારતીર્થમાં સામૂહિક ૯૯ યાત્રા દરમ્યાન મહાશિવરાત્રિના ભવ્ય પ્રસંગે પોતાના માતુશ્રીની ભાવનાનુસાર ડૉ. પ્રફુલ્લભાઇ ગિરનાર આવેલા ત્યારે તેમના જીવનમાં વણાઇ ગયેલી અંતર્મુખતા, આત્મલક્ષિતા, સહજ સાધકતા, સાંસારિક ભાવો પ્રત્યેની ઉદાસીનતા તથા આત્માનંદની મસ્તી વગેરે જોઇને ખૂબજ આનંદ થયો. શૈવધર્મી બાવાઓનું સરઘસ જોવાનું પણ તેમને કોઇજ કૂતૂહલ ન હતુ. - સંપાદક
કર્મસંયોગે મોચી કુટુંબમાં જન્મ પામવા છતાં પુરુષાર્થ અને ગુરૂકૃપાથી ઉપરોક્ત ભૂમિકાએ પહોંચેલા ડૉ. પ્રફુલ્લભાઇ 'મનુષ્ય જન્મથી નહિ પરંતુ કર્મથી (પોતાના સત્કાર્યોથી) મહાન બની શકે છે.' એ શાસ્ત્રોક્ત વાતના દૃષ્ટાંત રૂપ છે.
અબોલ પ્રાણીઓ પ્રત્યે અપાર કરૂણાવંત સંત તરીકે કચ્છમાં પ્રખ્યાત થયેલા શ્રી વાલદાસજી મહારાજને ગુરૂ તરીકે સ્વીકારીને ડૉ. પ્રફુલ્લભાઇ રોજ સવારે પદ્માસનમાં બેસીને ૩ કલાક ધ્યાન કરતા. પરંતુ હવે તો તેઓ જણાવે છે કે હવે ચોવીસે કલાક સહજ આનંદમય સ્થિતિ રહે છે. હવે ક્યાંય જવાની રૂચિ રહી નથી .જે સમય મળે તે સમય નિજ સ્વરૂપમાં વીતાવતાં ખૂબ આનંદ-પરમાનંદ-નિજાનંદનો અનુભવ થાય છે.
કોઇ પણ જાતની અપેક્ષા રાખ્યા વિના જીવનમાં વધુને વધુ સહજ સરળ બનાય તો નિજાનંદ પામવા માટે કયાંય ગુફામાં જવાની કે કશું કરવાની જરૂર રહેતી નથી.
સહુ પાઠકો ડૉ. પ્રફુલ્લભાઇના જીવનમાંથી પ્રેરણા મેળવીને જીવનમાં સહજતા સરળતા સાથે અંતર્મુખતા-આત્મલક્ષિતા પ્રાપ્ત કરે એ જ શુભ ભાવના ડૉ. પ્રફુલ્લભાઇનું સરનામું નીચે મુજબ છે. ઘર-મુ. પો. મોટા આસંબીયા, તા. માંડવી, કચ્છ પીનઃ ૩૭૦૪૫૫ દવાખાનુ-મુ.પો. રામપર વેકરા, તા. માંડવી - કચ્છ
૮૪
