________________
વૃધ્ધ હોવા છતાં આશ્રમમાં સ્થિરવાસ રહેલા વયોવૃધ્ધ તેમજ બિમાર સાધુસાધ્વીજીની ખૂબજ ભાવથી અનેક પ્રકારે વૈયાવચ્ચ કરે છે. જીવદયાના પ્રતિક તરીકે ધાર્મિક હોલમાંથી કાજો ખૂબજ જયણાપૂર્વકદરરોજ કાઢે છે. રોજ ભક્તામર શ્રવણ કરે છે. વ્યાખ્યાન સાંભળે તથા બપોરે ૧ કલાક નવકાર મહામંત્રનો જાપ કરે છે. સાધુ-સાધ્વીજીની સેવા કરતા વાલબાઈમાની હાર્દિક અનુમોદના.
(૭૦) રોજ જિનપૂજા કરતા હાંસલામા(ખવાસ)
કચ્છ-માંડવી તાલુકાના મોટી ખાખર ગામમાં રહેતા હાંસબાઈમા(ઉં.વ.૭૦) ખવાસ જ્ઞાતિમાં જન્મ્યા છે પરંતુ ઉપાશ્રયની નજીકમાં ઘર હોવાથી સાધ્વીજીઓના સત્સંગથી તેમજ શ્રાવિકાઓના પરિચયથી લગભગ ૧૫ વર્ષથી જૈનધર્મ પામ્યા છે. તેઓ દરરોજ નવકારશી, ચોવિહાર કરે છે. પ્રતિક્રમણ તથા જિનપૂજા પણ દરરોજ કરે છે. પાંચ પ્રતિક્રમણ વગેરેનો અભ્યાસ કરેલ છે. આઠમ પાંખીના પાંખી પાળે છે અર્થાત ખેતર વાડીએ જતા નથી તથા પૌષધ પણ કરે છે.
અવારનવાર આયંબિલ, ઉપવાસ, અઠ્ઠમ વિગરે તપશ્ચર્યા કરે છે. કંદમૂળ વિગેરે અભક્ષ્યોનો ત્યાગ કરેલ છે. ચોમાસામાં મોટા ભાગે ઉપાશ્રયમાં સાધ્વીજી પાસે સૂએ છે. હાંસબાઈમા ની આરાધનાની હાર્દિક અનુમોદના.
-
૯૨.
