________________
(૪૩) શ્રાવકોના સત્સંગથી કબીરપંથી વણકર
શ્રી બાબુલાલભાઇનું જીવન પરિવર્તન મધ્યપ્રદેશના કુક્ષી ગામમાં (મુખર્જી માર્ગ, વોર્ડ નં. ૧૨, રામદેવ ગલી, જિ. ધાર, પીન : ૪૫૪૩૩૧) ૨હેતા શ્રીબાબુલાલભાઇ જવરચંદજી(ઉ. વ. ૭૫)નો જન્મ વણકર જ્ઞાતિમાં થયો છે. તેઓ કુલપરંપરાથી કબીરપંથી છે.પરંતુ છેલ્લા ૧૦ વર્ષથી તેઓ સુશ્રાવક શ્રી ખેમચંદજી તથા તેમના પુત્ર મણિલાલભાઇ તથા પૌત્ર મનોહરલાલભાઇ એડવોકેટના નિકટના પરિચયમાં આવ્યા છે. આ આખોય પરિવાર જૈન ધર્મના રંગથી સારી રીતે રંગાયેલ છે. પરિણામે તેમના સત્સંગની ખૂબજ સુંદર અસર બાબુલાલભાઇ ઉપર થઇ છે. તેની ફલશ્રુતિ સ્વરૂપે તેઓ રોજ દેરાસરમાં જઇને પ્રભુદર્શન કરે છે. રાત્રે ચોવિહારનું પચ્ચક્ખાણ કરે છે. તથા નિયમિત રીતે નવકાર મહામંત્રની માળા ગણવાનો નિયમ લઇ લીધેલ છે.
આઠેક વર્ષ પહેલાં ૫.પૂ.આ. ભગવંત શ્રીમદ્ જયંતસેનસૂરીશ્વરજી મ.સા.વિહાર કરતાં કરતાં અનુક્રમે કુક્ષી ગામમાં પધાર્યા ત્યારે બાબુલાલભાઇએ અંતઃપ્રેરણાથી અનેક લોકોની ઉપસ્થિતિમાં પ.પૂ. આચાર્ય ભગવંત પાસે જિંદગીમાં કદીપણ મદ્યપાન ન કરવાની પ્રતિજ્ઞા લઇ લીધી. એમના પરિવારમાં પણ કોઇ મદ્યપાન કરતું નથી. પર્યુષણ પર્વ આદિ દિવસોમાં તેઓ નિયમિત વ્યાખ્યાન શ્રવણ
કરે છે. અને યથાશક્તિ વ્રત પચ્ચક્ખાણનું પાલન કરે છે.
શાસ્ત્રોમાં ચતુર્વિધ શ્રીસંઘને જંગમતીર્થની ઉપમા આપવામાં
આવી છે. સંસાર સાગરથી તારે તે તીર્થ. ચતુર્વિધ સંઘમાં શ્રાવક - શ્રાવિકાઓનો પણ સમાવેશ થાય છે. એટલે જેઓ તત્ત્વત્રયીની ઉપાસના અને રત્નત્રયીની આરાધના દ્વારા પોતે તરે અને પોતાના સંપર્કમાં આવનાર જીવોને તારવામાં નિમિત્તભૂત બને એવા શ્રાવક – શ્રાવિકાઓનો સમાવેશ તીર્થ સ્વરૂપ ચતુર્વિધ સંઘમાં થાય છે. પ્રસ્તુત દૃષ્ટાંતમાં સુશ્રાવક શ્રી ખેમચંદજી તથા તેમના પુત્ર-પૌત્રોના સત્સંગથી એક વણકરના
-
૭૦
