________________
પોપટલાલભાઇ ઠક્કર આદિએ બળદગાડા, ઘઉંના લોટની કણેક આદિ સામગ્રી પૂરી પાડી. તે લઇને મંગાભાઇ વિગેરે તળાવના કાંઠે ગયા અને લોટની કણેક પાણીમાં નાખતાં તેને ખાવા માટે આવતા માછલા વિગેરે જલચર જીવોને પાણીથી યુક્ત પીપમાં નાખી ગાડામાં પીપ લઇને પૂરતા પાણીવાળા તળાવમાં નાખવા લાગ્યા. આ રીતે તેમણે ૮૦૦ કાચબા તથા અગણિત માછલાઓને બચાવ્યા!
મંગાભાઇ ધાર્મિક વાતો એવી કરતા કે તેમના સમાગમમાં આવતા દરબાર, પટેલ, ઠાકોર, ભરવાડ, રબારી, વાઘરી, વિગેરે જ્ઞાતિઓના લોકો પણ દારૂ, માંસાહાર તથા જીવહિંસાનો ત્યાગ કરવા લાગ્યા. ધન્ય છે તે શ્રાવિકાને કે જેમણે મંગાભાઇના જીવનમાં જીવદયાનો મંગલ દીપક પ્રગટાવ્યો કે જે દીપકે બીજા અનેકોના જીવનમાંથી હિંસાનો અંધકાર દૂર કર્યો.
મંગાભાઇની એક પુત્રી તથા ત્રણ પૌત્રીઓએ સંયમ સ્વીકારેલ છે. તથા બે પ્રપૌત્રી સંયમની ભાવનાથી સાધ્વીજી પાસે ધાર્મિક અભ્યાસ કરી રહેલ છે.!... જેની વિગત નીચે મુજબ છે.
મંગાભાઇની પુત્રી કમુબેન પ.પૂ.આચાર્ય ભગવંત શ્રી નીતિસૂરીશ્વરજી મ.સા.ના સમુદાયના પૂ.સા.શ્રી વસંતશ્રીજી મ.સા.ના શિષ્યા પૂ.સા.શ્રી કિરણમાલાશ્રીજી તરીકે સુંદર સંયમ પાળી રહ્યા છે.તેમણે સંસ્કૃત આદિનો સુંદર અભ્યાસ કર્યો છે. સેંકડો સ્તવનો-સ્તુતિઓ કંઠસ્થ છે. કંઠ પણ સુમધુર છે.
મંગાભાઇના ત્રણ પુત્ર છે. તેમાં સૌથી મોટા પુત્ર રણછોડભાઇની બે પુત્રીઓ ગૌરીબેન તથા લક્ષ્મીબેન ઉપરોક્ત સા. શ્રી કિરણમાલાશ્રીજીના શિષ્યા બની અનુક્રમે પૂ.સા.શ્રીપાવનપ્રશાશ્રીજી તથા પૂ.સા.શ્રી અક્ષયપ્રશાશ્રીજી તરીકે સુંદર ચારિત્ર જીવન જીવી રહ્યાં છે.
મંગાભાઇના દ્વિતીય પુત્ર ચકુભાઇની દીકરી તરલાબેન પણ સંસારપક્ષે પાટડીના વતની પૂ.સા.શ્રી જયમાલાશ્રીજીના શિષ્યા પૂ.સા.શ્રી તત્ત્વશીલાશ્રીજી તરીકે રત્નત્રયીની સુંદર આરાધના કરી રહ્યા છે. મંગાભાઇના પૌત્ર ફરસુરામ ચકુભાઇની બે પુત્રીઓ રેખા તથા
૫૩
