________________
| કેટલાક ભાઈ બહેનોએ વર્ધમાન આયંબિલ તપનો થડો બાંધ્યો. ત્યારે પેઈન્ટર શ્રી બાબુભાઈને પ્રેરણા કરતાં, જીવનમાં એક પણ આયંબિલ કે ઉપવાસ કર્યો ન હોવા છતાં તેઓ તરત તૈયાર થઈ ગયા અને ચઢતા પરિણામે નિર્વિજ્ઞતાએ કુલ ૧૫ આયંબિલ તથા પાંચ ઉપવાસ યુક્ત ૨૦ દિવસનું આ તપ પૂર્ણ કર્યું,એટલું જ નહિ પરંતુ આ તપ પછી માત્ર ત્રણ જ દિવસ પારણું કરીને પર્યુષણમાં ૮ દિવસનું ક્ષીરસમુદ્ર તપ શરૂ કરી દીધું. તેમાં પણ પાંચ એકાસણા ઉપર અટ્ટમ કર્યો!..
પર્યુષણ બાદ સંઘના મંત્રીશ્રી ટોકરશીભાઈ મારૂ તથા એક ૧૬વર્ષના કિશોર સહિત કેટલાય શ્રાવકોને લોચ કરાવતા જોઇને બાબુભાઈને પણ લોચ કરાવવાની ભાવના થઈ હતી. વર્ધમાન તપ દરમ્યાન ધોતિયું - પછેડી પહેરીને જિનપૂજા પણ તેઓ કરતા હતા.
એ ચાતુર્માસમાં રોહિતભાઈ ઠક્કર(ઉ.વ.૪૦) નામના એક અજૈન યુવાનભાઈ પણ દરરોજ ૨ કી.મી. દૂરથી પગે ચાલીને સમયસર વ્યાખ્યાનમાં આવતા હતા. તેમણે ચાર મહિનાનું સળંગ મૌન સ્વીકારેલ અને મોટા ભાગનો સમય જાપમાં ગાળતા હતા!. સં.૨૦૫૧માં સાશ્રી ચારૂધર્માશ્રીજી ઠાણા ના ચાતુર્માસ દરમ્યાન બાબુભાઈએ પર્યુષણમાં અઠ્ઠાઇતપ પણ કરેલ.
(૨૬) 'ઘર્મરંગથી રંગાયેલ પેઇન્ટર જોષી પરિવાર
સં. ૨૦૩૦માં પ.પૂ.પંન્યાસ પ્રવર શ્રી અશોકસાગરજી મ.સા.નું ચાતુર્માસ રતલામ હાતોદ (જિલ્લો ઈદોર - મધ્યપ્રદેશ)માં થયું ત્યારે પેઈન્ટીંગના કામ નિમિત્તે પેઈન્ટર જોષી ( હાલ ઉમર ૫૦ વર્ષ લગભગ) પૂજ્યશ્રીના પરિચયમાં આવ્યા અને સત્સંગ દ્વારા જૈન ધર્મ) પામ્યા. પછી તો ધીરે ધીરે તેમના આખા પરિવારને જૈનધર્મનો રંગ લાગ્યો. ઘરના બધા સભ્યો રોજ દેરાસરમાં જઇને પ્રભુદર્શન કરે છે.
-
૪૯
1
