________________
(૨૩) વૈષ્ણવ ડૉ.મુકુંદ સોનેજીમાંથી બન્યા શ્રદ્ધેય સંતશ્રી આત્માનંદજી
સં.૨૦૪૫માં મણિનગર(અમદાવાદ)માં અમારું ચાતુર્માસ થયું.તેનાથી પૂર્વે અમદાવાદથી મહેસાણા તરફ જતાં તથા પાછા વળતાં બે વખત કોબા જવાનું થયું. ત્યારે આત્મસાધક શ્રી આત્માનંદજી સાથે પ્રત્યક્ષ ધર્મચર્ચા કરવાનો અવસર મળ્યો. તે દરમ્યાન તેમની અંતર્મુખતા, થોડી થોડી વારે 'હું આત્મા છું' એ વાક્યના ધીમા ઉચ્ચાર દ્વારા વ્યક્ત થતી આત્મજાગૃતિ વિગેરે જોઇને ખૂબ આનંદ થયેલ.
[તેમના જીવન-કવન વિષે પ્રગટ થયેલ એક પરિપત્ર અત્રે અક્ષરશઃ રજૂ કરવામાં આવેલ છે. - સંપાદક]
નામ : પૂજ્ય સંતશ્રી આત્માનંદજી
જન્મ તા. ૨-૧૨-૧૯૩૧ના રોજ અમદાવાદ મુકામે સંસ્કારી વૈષ્ણવ કુટુંબમાં જન્મ.
પરંપરાગત શિક્ષણ : M.B.B.S.,M.R.C.P & H(England) સામાન્ય ભૂમિકા : શ્રીમદ્ રાજચન્દ્ર આધ્યાત્મિક સાધના કેન્દ્ર કોબાના સંસ્થાપક,પ્રેરણામૂર્તિ, શ્રદ્ધેયશ્રી આત્માનંદજીને પશ્ચિમ ભારતની અને ખાસ કરીને ગુજરાતની જનતા એક ઉત્તમ આધ્યાત્મિક સંતપુરૂષ તરીકે ઓળખે છે. સ્વ-પર કલ્યાણમાં અહોનિશ લાગેલા રહેતા આત્માનંદજી તેમના સાધનાપ્રધાન જીવન અને વિશાળ શાસ્ત્રજ્ઞાન દ્વારા અનેક સાધકોને મોક્ષમાર્ગમાં આગળ વધવા વિધવિધ પ્રકારે માર્ગદર્શન પૂરું પાડે છે. તેમનાં પ્રેરણાદાયી, અનુભવવાણીથી નીતરતા પ્રવચનોનું શ્રવણ કરતાં અને તેમના સંસ્કારી, શિષ્ટ, આધ્યાત્મિક છતાં વ્યવહારુ અને સર્વોપયોગી સાહિત્યનું અગવાહન કરતાં, એક પ્રભાવશાળી પ્રજ્ઞાવંત પ્રવકતા, મહાન ભક્ત-સાધક અને સિધ્ધહસ્ત લેખક તરીકેની તેમના વ્યક્તિત્વની અમીટ છાપ પડયા વિના રહેતી નથી. અભ્યાસ તથા વ્યવસાય :
૪૪
