________________
મહામંત્રની અચિંત્ય શક્તિ
૧૭ એટલું જ નહિ પણ હૃદયમાં રહેલા ઈર્ષ્યા, અસૂયા આદિ - દોષ બળીને ખાક થઈ જાય છે.
મહાન આત્માઓને નમસ્કાર કરવા માત્રથી આવું મેટું ફળ મળે, એ વાત આજના તર્ક પ્રધાન યુગમાં સુસંગત કેવી રીતે કરવી ?–એ પ્રશ્ન છે જેમ સહજ છે, તેમ તેને ઉત્તર પણ તેટલો જ સરળ છે.
સ્થૂલ જગતમાં હાથ–પગ હલાવવા વગેરેને જ કિયા મનાય છે, જ્યારે આંતર જગતમાં તેમ નથી. આંતર જગતમાં કિયાની રીત જુદી છે. સૂર્યનો ઉદય થતાંથી સાથે જ ચોરો પલાયન થઈ જાય છે, તેમાં સૂર્યને કાંઈ કરવું પડતું નથી. સૂર્યના નિમિત્ત માત્રથી તે ક્રિયા આપોઆપ થઈ જાય છે. એ જ રીતે કમળને વિકસાવવા માટે સૂર્યને કમળની પાસે જવું પડતું નથી. ગગનમંડળમાં સૂર્યને ઉદય થતાંની સાથે જ કમળ સ્વયમેવ ખીલી ઉઠે છે. પરમેષ્ટિ નમસ્કારમાં આ જ નિયમ લાગુ પડે છે. પાપરૂપી ચેરેને ભગાડવા માટે અને ભવ્યાત્માઓના હૃદયરૂપી કમલેને વિકસાવવા માટે પરમેષ્ટિએ માત્ર આલંબનરૂપ-નિમિત્ત છે. તેઓના નિમિત્ત માત્રથી તે કાર્ય આપોઆપ થઈ જાય છે. નમસ્કાર વડે સાધક જે પરમેશ્ચ આલંબનનો સંપર્ક સાધે છે, તે આલંબનો સૂર્યની જેમ નિમિત્ત બનીને સાધકના આત્માની વિશુદ્ધિ કરે છે અને અશુદ્ધિને દૂર હઠાવી દે છે.
