Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदरियं
१०३ जे अम्ह पेसिय नरा पच्छन्ना पउमखेडनयराओ। इह एंति ते कहंति य जइ कइ वि दिणे निवो जियइ ।।३२९९।। तस्स विरूवं मा होउ किं पि अम्हाण जीविएणा वि । सो सिंधुवीरनिवई जीवउकालं अइपभूयं ।।३३००।। किंतु जइ दिव्ववसओ जायइ सग्गम्मि तस्स पत्थाणं । रज्जम्मि सिंधुसेणो होइ तओ तम्मि समर्याम्म।।३३०१।। अम्हुवरि गुरुपसायं काऊणं वज्जनाहिनिवनाहं । विनविउं अम्हं खग्गवत्तलादावियवत्ति ।।३३०२।। देसस्सुवरि सुसेणस्स काउममेयं पि जुज्जइ न अम्ह । जम्हा तुम्ह पसाएण होइ अन्नह वि निव्वा हो ।।३३०३।। सो एक्क जणयजाओ लहुभाया होइ वीरसेणस्स । तो नियपुत्तो व्व इमो परिहवणिज्जो न एयस्स ।।३३०४।। अन्नो वि को वि जइ तस्स सिधुसेणस्स परिहवं काउं। इच्छइ सो वि इमणं निवारियन्वो समत्थेण ॥३३०५।। किंतु पियमित्तनामो पियमित्तं वीरसेणकुमरस्स । सुयणो परोवयारी बहुसयणाईसरो सेट्ठी ॥३३०६।। निक्कारणं पि सो देहविहवधम्माण पावए पीडं । निच्चं पि सिंधुसेणाउ वीरसेणप्पओसेण ।।३३०७।। एत्तियमित्तं पि दुहं वि सहतो तत्थ चिट्ठए एसो । जिणहरभंगस्स निवारणथमत्थपयाणेण ।।३३०८।। जो को वि सिंधुसणस्स पासवत्ती निसेवओ लोओ । तं पियमित्तो उवयरइ सव्वया अत्थदाणण ॥३३०९।। पियमित्तस्सेव न केवलस्स कज्जेण कीरए एवं । तस्स वि य सिंधुसेणस्स संतियं कारणमिहत्थि ।।३३१०।। जं सो निद्दोसविसिट्ठलोयपीडं च धम्मधंसं च । कुव्वंतो रक्खिज्जइ अन्नह बुड्डुइ महापावे ॥३३११।। एएसि दोन्हं चिय कज्जं एयं न केवलं चेव । निवलोयस्स हियमिणं सव्वस्स सुसेणदेसस्स ।।३३१२।। जम्हा नरिंदलोओ आसि समग्गोवि वीरसेणस्स । अइसय भत्तो तम्मि वि करिस्सए सो बहुपओसं ।।३३१३।। कोहेण य लोहेण य अविवेएण य समग्गदेसस्स । उप्पाइस्सइ जह तह उवद्दवं नीयजणसंगी ।।३३१४।। एएहि कारणेहि इमम्मि अह्र कुमार तुह पाया । अम्हेहि विन्नविज्जति संपयं अइपयत्तेण ।।३३१५।। अह वज्जकुंडलो सो माहवरायस्स वयणविन्नासं । सोऊण विम्हियमणो पडिवज्जइ सव्वमेवेयं ॥३३१६।। दावेऊणं तेसिं तंबोलं दो वि ते विसज्जेइ । सिरिवज्जकुंडलो अह सकिच्चकरणुज्जओ होइ ॥३३१७।। सिलियावसरे गतुं रायउले चक्कवट्टिणो पुरओ। साहेइ वीरसेणं समागयं अप्पणो पासे ॥३३१८॥ तस्स सरूवं पि समग्गमेव परिकहइ चक्कवट्टिस्स । सेसं मोत्तूणं खग्गवत्तलापत्थणं एक्कं ।।३३१९।। सोऊण चक्कवट्टी पउमसिरी सिंधुवीरचरियाई । चितइ नारीसु नराण पम्ममइदारुणविवागं ॥३३२०।। अह वज्जनाहिणा चक्कवट्टिणा वज्जकुंडलो भणिओ । जह तुमए दट्टन्वो सगोरवं वीरसेणो सो ।।३३२१।। तो वज्जकुंडलेणं मत्थयविणिहित्तहत्थजुयलेण । पडिवणं तं वयणं निय पिउणो चक्कवट्टिस्स ।।३३२२।। अह चक्कवट्टिणा सो विसज्जिओ वज्जकुंडलो कुमरो। नियमंदिरम्मि गंतुं सकिच्च साहणपरोहोइ ।।३३२३॥ अह तस्स वीरसेणस्स वज्जकुंडलकुमारपयसेवं । कुणमाणस्स गयाइं अन्नाइंवि कइवय दिणाई ।।३३२४।। अन्नम्मि दिणे पुरिसो समागओ पउमखेडनयराओ । कहियं तेण सरूवं एगते वीरसेणस्स ।।३३२५।। जह सिंधुवीररन्ना नाऊणं नियसरीरमइविहुरं । रज्जम्मि सिंधुसेणो निवेसिओ सव्व पच्चक्खं ।।३३२६।। सिक्खविओ जह सव्वं परिपालेज्जा नएण नियदेसं । तो तद्दियह निसाए दिवं गओ सिंधुवीरनिवो ॥३३२७।। बारसमं अज्जदिणं रज्जनिविट्ठस्स सिंधुसेणस्स । माहवरायस्स तओ तं कहियं वीरसेण ण ।।३३२८।। तो दो वि उढिऊण आइच्चे अणुइए वि गंतूण । पासम्मि वज्जकुंडलकुमरस्स कहंति तं सव्वं ॥३३२९।। तो जाव वज्जकुंडलकुमरो संवहइ चक्कट्टिस्स । पासम्मि गंतु कामो ताव खणद्धेण आगंतुं ॥३३३०।। कन्नम्मि कि पि कहियं पुरिसेणक्केण वीरसेणस्स। तेणा वि वज्जकुंडलकुमरस्स निवेइयं कन्ने ।।३३३१।।
Jain Education International
For Private & Personal Use Only
www.jainelibrary.org
Loading... Page Navigation 1 ... 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 